АЛОМАТИ РАНГИ САФЕД. Аз 1 март дар Россия ранги нави чароғак пайдо мешавад
ДУШАНБЕ, 06.01.2023 /АМИТ «Ховар»/. Аз 1 март дар Россия тасвири сафеди пиёдагард бо аломате дар чароғак, ки ишора мекунад бо самти ҳаракат пиёдагардҳо метавонанд аз роҳ гузаранд, пайдо мешавад. Тавре АМИТ «Ховар» хабар медиҳад, дар ин бора ба агентии «Прайм» шарики идоракунандаи ширкати ҳуқуқии «Мавқеи қонун» Егор Редин иттилоъ додааст.
Ин аломат қоидаҳои нав ҷорӣ намекунад – бе ин ҳам ронанда вазифадор аст, ки дар чорроҳа ба пиёдагардҳо роҳ диҳад. Он барои маълумоти иловагӣ пешбинӣ шудааст. «Пештар ин ранг аллакай дар баъзе минтақаҳо ба сифати таҷриба кор мекард», — хотиррасон намуд Редин.
Ба гуфтаи ӯ, ин аломат самаранокии баланд нишон дода, мизони садамаро коҳиш дод ва аз моҳи марти соли 2023 дар саросари кишвар истифода мешавад.
Дар зери чароғаки асосӣ тирчаи сафед бо тасвири пиёдагард илова карда мешавад, ки зери рангҳои асосӣ ҷойгир аст. Аломат нишон медиҳад, ки дар самти ҳаракат, одатан баъди гардиш пиёдагард бинобар ранги иҷозатдиҳандаи чароғаки роҳнамо ҳуқуқ дорад аз роҳ гузарад.
София ШОИК,
АМИТ «Ховар»
АКС аз манбаъҳои боз
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
