Ба рӯзноманигорони минтақаи Кӯлоб муҳтавои Паёми Пешвои миллат тавзеҳ дода шуд
ДУШАНБЕ, 18.01.2023 /АМИТ «Ховар»/. Раиси Иттифоқи журналистони Тоҷикистон Зинатуллоҳ Исмоилзода зимни мулоқот бо рӯзноманигорони минтақаи Кӯлоб ва собиқадорони соҳа дар Донишгоҳи давлатии Кӯлоб оид ба муҳтавои Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар сухан гуфт. Дар ин бора АМИТ «Ховар» бо истинод ба Иттифоқи журналистони Тоҷикистон иттилоъ медиҳад.
Проректори Донишгоҳи давлатии шаҳри Кӯлоб Шарофат Худойдодова гуфт, ки ҳадафи мулоқот- тарғибу ташвиқи густурдаи Паёми Пешвои миллат ба Маҷлиси Олии мамлакат мебошад.
Раиси Иттифоқи журналистони Тоҷикистон Зинатуллоҳ Исмоилзода иброз намуд, ки «дар Паёми навбатии Президенти Тоҷикистон тамоми соҳаҳои хоҷагии халқ таҳлил ёфта, он дастури беҳтарини роҳнамо барои мардум аст. Аз ин хотир, барои таблиғи он намояндагони воситаҳои ахбори омма бояд эҷодкорона муносибат кунанд ва бо истифода аз жанрҳои гуногуни журналистӣ муҳтавои асосии Паёмро ба мардум расонанд».
Иштироккунандагони мулоқот Шоири халқии Тоҷикистон Ҳақназар Ғоиб, Ғайбулло Ҳалимов, Зафар Мирзоён, Фарҳод Мадаминов ва Ҷаҳонгиршоҳ Рустамшоҳ дар тақвияти андешаҳои Раиси Иттифоқи журналистони Тоҷикистон ибрози назар намуданд.
Дар анҷоми мулоқот аз ҷониби Иттифоқи журналистони Тоҷикистон ба собиқадорони соҳа кумакипулии яквақта расонида шуд.
Ёдовар мешавем, ки мулоқот дар шаҳри Кӯлоб оғози силсилачорабиниҳоест, ки Иттифоқи журналистони Тоҷикистон дар маркази вилоятҳо ва шаҳру ноҳияҳои тобеи марказ оид ба таблиғу ташвиқи густурдаи Паёми Пешвои миллат ба роҳ мемонад.
АКС: Иттифоқи журналистони Тоҷикистон
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
