БАХШИДА БА 35-СОЛАГИИ ИСТИҚЛОЛИЯТИ ДАВЛАТӢ. Роҳи деҳаи Пайканди шаҳри Турсунзода мумфарш гардид
ТУРСУНЗОДА, 03.01.2023 /АМИТ «Ховар»/. Ба ифтихори ҷашни 35-солагии Истиқлолияти давлатии Ҷумҳурии Тоҷикистон мардуми ватандӯсту ободгари деҳаи Пайканди Ҷамоати деҳоти 10-солагии Истиқлолияти шаҳри Турсунзода бо азми қавӣ ва ҳисси баланди ватандӯстӣ роҳи байнидеҳавиашонро дар масофаи 1 километр асфалтпӯш намуданд. Дар ин бора ба хабарнигори минтақавии АМИТ «Ховар» Субҳониддини МАҲМУД дар Мақомоти иҷроияи ҳокимияти давлатии шаҳри Турсунзода иттилоъ доданд.
Мумфарш намудани роҳи мазкур бо ибтикори раиси деҳаи Пайканд Имомалӣ Ҳамроев ва сарпарастии ҷавонону соҳибкорони бонангу номуси деҳа ва дастгирии Раиси шаҳри Турсунзода Парвиз Акрамзода амалӣ гардид.
Барои анҷоми ин кори нек аз ҷониби Мақомоти иҷроияи ҳокимияти давлатии шаҳр техникаҳои Муассисаи давлатии назорати роҳҳои автомобилгарди шаҳри Турсунзода сафарбар гардиданд ва корҳо бо сифати баланд анҷом дода шуданд.
Дар мумфаршкунии роҳҳои шаҳри Турсунзода саҳми кормандони Муассисаи давлатии нигоҳдории роҳҳои автомобилгарди шаҳр калон аст. Сармуҳандиси ин муассиса Амиралӣ Носиров гуфт, ки “ба мумфарш намудани роҳи маҳаллии деҳаи Пайканд 5 техника сафарбар гардид ва як километр роҳ бо сифати хуб мумфарш карда шуд. Ҳамчунин соли 2022 аз тарафи кормандони ин муассиса 170 километр роҳҳои шаҳри Турсунзода таъмири ҷорӣ ва 23 километр асфалтпӯш карда шуданд”.
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
