«ДӮСТИИ ХАЛҚҲО-ДӮСТИИ МИЛЛАТҲО». Таҳти чунин унвон маҷмӯаи мақолаҳои олимони Тоҷикистон ва Узбекистон нашр карда шуд
ДУШАНБЕ, 21.01.2023 /АМИТ «Ховар»/. «Дӯстии халқҳо–дӯстии миллатҳо»- таҳти чунин унвон маҷмӯаи мақолаҳои олимони Тоҷикистон ва Узбекистон нашр карда шуд. Маҷмӯаи мазкур бо ташаббуси Маркази миллӣ- фарҳангии тоҷикони вилояти Сурхондарё чоп гардида, дар он мақолаву гузориш, шеъру сурудҳо бо забонҳои тоҷикӣ ва узбекӣ гирд оварда шудаанд. Дар ин бора АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон иттилоъ медиҳад.
Маҷмӯаи мақолаҳои «Дӯстии халқҳо- дӯстии миллатҳо» аз 4 боб иборат буда, дар онҳо масъалаҳои муҳими адабиётшиносӣ, равобити адабӣ ва ҳамкории эҷодии доираҳои адабии ҳарду кишвар таҳқиқ ва пажӯҳиш карда шудаанд. Аз ҷумла, дар мақолаи Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон, академик Абдуҷаббор Раҳмонзода «Равобити адабию фарҳангӣ- рукни муҳими таҳкими дӯстии тоҷикон ва узбекон», раиси Маркази миллӣ-фарҳангии тоҷикони Сурхондарё Рамазон Абдуллоев «Одамон аз дӯстӣ ёбанд бахт» муносибатҳои дӯстонаи халқҳои тоҷику узбек таҳлил карда шудаанд.
Дар китоб инчунин шеърҳои шоирони тоҷику узбек ҷой карда шудаанд. Чопи маҷмӯаи «Дӯстии халқҳо–дӯстии миллатҳо» ба таҳкими муносибатҳои дӯстонаи мардумони тоҷику узбек мусоидат менамояд.
АКС: Сафорати Ҷумҳурии Тоҷикистон дар Ҷумҳурии Узбекистон
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишгоҳи давлатии Кӯлоб ғолибони озмунҳои ҷумҳуриявӣ қадршиносӣ шуданд
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
