Дар анбору сардхонаҳои вилояти Суғд маҳсулоти кишоварзӣ дар ҳаҷми зарурӣ захира карда шудааст
ДУШАНБЕ, 30.01.2023. /АМИТ «Ховар»/. Соли 2022 дар вилояти Суғд ҳаҷми истеҳсоли маҳсулоти кишоварзӣ дар ҳамаи шаклҳои хоҷагидорӣ ба 15 миллиарду 618 миллион сомонӣ расонида шуд, ки тибқи арзёбии масъулон, ба 112 фоизи нишондиҳандаи соли 2021 баробар мебошад. Дар ин хусус ба АМИТ «Ховар» дар Сарраёсати кишоварзии вилояти Суғд хабар доданд.
Иттилоъ дода шуд, ки соли гузашта ҳаҷми истеҳсоли ғалладонагиҳо якҷоя бо ҷуворимакка 396 ҳазору 235 тонна дон, аз ҷумла 173 ҳазору 572 тонна гандумро ташкил додааст.
Дар ин давра дар ҳамаи шаклҳои хоҷагидорӣ 562 ҳазору 924 тонна картошка, 608 ҳазору 540 тонна сабзавот, 124 ҳазору 477 тонна мева ва 148 ҳазору 551 тонна полезӣ истеҳсол гардидааст.
Бо таваҷҷуҳ ба таъкидҳои доимии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба захираи молу маҳсулот барои давраҳои минбаъда, хоҷагидорони вилоят асосан аз имконияту иқтидори анбору сардхонаҳои замонавӣ, ки тайи солҳои охир бунёди онҳо вусъат ёфтааст, васеъ истифода мебаранд ва аз ин ҳисоб бозори истеъмолиро дар фасли зимистон ва оғози фасли баҳор бо маҳсулоти кишоварзӣ таъмин менамоянд.
Ҳоло дар анбору сардхонаҳои шаҳру ноҳияҳои вилояти Суғд 135 ҳазору 375 тонна картошка, 21 ҳазору 760 тонна пиёз, 6 ҳазору 739 тонна сабзӣ ва дигар намуди маҳсулоти кишоварзӣ захира карда шудааст. Дар ҳолати афзоиши талабот маҳсулоти захирашуда ба фурӯш бароварда мешавад.
Бояд тазаккур дод, ки дар айни замон дар вилояти Суғд 40 сардхонаи замонавӣ мавриди истифода қарор дорад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид
Дурнамои тақвияти ҳамкории Тоҷикистон ва Хазинаи Байналмилалии Асъор дар Вашингтон баррасӣ шуд
