Дар ноҳияи Дарвоз ба шунавандагони бурси омӯзишӣ аз рӯи ихтисоси пешхизмат шаҳодатномаҳо супорида шуданд
ДУШАНБЕ, 03.01.2023 /АМИТ «Ховар»/. Дар ноҳияи Дарвоз ба шунавандагони бурси (курси) омӯзишӣ аз рӯи ихтисоси пешхизмат шаҳодатномаҳо супорида шуданд, хабар медиҳад АМИТ «Ховар» бо истинод ба Кумитаи рушди сайёҳии назди Ҳукумати Ҷумҳурии Тоҷикистон.
Бино ба иттилои Кумита, бо мақсади рақобатпазир будан дар бозори ҷаҳонии сайёҳӣ омода кардани мутахассисони донандаи забон, фарҳанг, таърих ва технологияҳои муосир, такмили ихтисос ва тақвияти неруи инсонӣ, аз ҷумла идоракунии ширкатҳои сайёҳӣ, меҳмонхонадорӣ, тарабхонадорӣ, роҳбаладон, тарҷумонҳо ва маркетологҳо дар сатҳи байналмилалӣ зарур аст.
Соли 2022 дар шаҳри Душанбе, дар шаҳру ноҳияҳои ВМКБ, вилоятҳои Суғду Хатлон, навоҳии тобеи ҷумҳурӣ бурсҳои омӯзишӣ аз рӯи ихтисосҳои пешхизмати тарабхона, пешхизмати меҳмонхона, роҳбалад, барандаи экскурсия аз ҳисоби муассисаҳои хизматрасонӣ ҷалб гардида, ба омӯзиш фаро гирифта шуданд.
Дар заминаи Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ вохӯрии муовини якуми Раиси Кумитаи рушди сайёҳӣ Ҳабибулло Амирбекзода бо роҳбарон ва кормандони меҳмонхонаю ошхонаҳои ноҳияи Дарвоз вобаста ба беҳтар намудани сатҳу сифати хизматрасониҳо баргузор гардид.
Зикр карда шуд, ки Дарвоз яке аз ноҳияҳое ба шумор меравад, ки барои пешрафту рушди соҳаи сайёҳӣ тамоми имкониятро доро мебошад. Аз ин рӯ, омода кардани мутахассисони соҳибкасб барои қабулу хизмтрасонӣ ба меҳмонону сайёҳони дохилию хориҷӣ муҳим мебошад.
Бо мақсади омодасозии кадрҳои баландихтисос аз ҷониби Кумитаи рушди сайёҳӣ шароити мусоид барои таҷрибаомӯзӣ ва фаро гирифтан дар бурсҳои омӯзишӣ барои донишҷӯён ва субъектҳои хизматрасони сайёҳӣ фароҳам оварда шуда, онҳо ҷиҳати огоҳ будан аз вазъи соҳа ва маълумоти беҳтар пайдо кардан ҷалб карда мешаванд.
Аз ҷониби муовини якуми Раиси Кумитаи рушди сайёҳӣ ба шунавандагони бурси омӯзишӣ аз рӯи ихтисоси пешхизмат шаҳодатномаҳои хатм супорида шуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
