Дар Тоҷикистон Федератсияи парапланеризм ва воситаҳои парвозии сабук ба қайд гирифта шуд

Январь 24, 2023 15:31

ДУШАНБЕ, 24.01.2023 /АМИТ «Ховар»/. 23 январ дар Вазорати адлияи Ҷумҳурии Тоҷикистон ташкилоти нави варзишӣ – Федератсияи парапланеризм ба қайд гирифта шуд, хабар доданд ба АМИТ «Ховар» дар федератсияи мазкур.

Федератсия тӯли таърихи Тоҷикистони соҳибистиқлол бори аввал аз ҷониби ҳаводорони асил ва дӯстдорони ин намуди варзиши ҷолиб ифтитоҳ карда шуд.

Рӯзҳои наздик дар ҷаласаи умумии Федератсия роҳбар ва кормандони масъул таъйин карда мешаванд. Ояндаи наздик варзишгарон- парапланчиёни тоҷик парчами моро дар мусобиқоти бузурги байналмилалӣ баланд мебардоранд.

Парапланеризм- парвоз дар параплан аст. Баръакси ҷаҳидан бо парашютҳои идорашаванда параплан- парвози воқеӣ дар бол бо истифода аз энергияи ҷараёнҳои болоравии ҳаво мебошад.

Парапланеризм- ин намуди варзиши фароғатӣ ва ҷалбкунанда аст. Парапланҳо сабук, озоду бе алвонҷ, бе сохтори асосии сахт парвоз мекунанд. Пилот худро бо камарбанди бехатарӣ баста, менишинад ё дар “капсула”-и пилламонанде, ки дар зери боли матоъ овезон аст, ба пушт мехобад. Шакли бол тавассути хатҳои овезон, фишори ҳавое, ки ба ҳавотозакунакҳои пеши бол ворид мешавад ва ба воситаи қувваҳои аэродинамикии ҳавои берунӣ нигоҳ дошта мешавад.

Сарфи назар аз набудани муҳаррик парвоз дар параплан соатҳои зиёд метавонад давом кунад, бо он садҳо километр роҳро тай кардан мумкин аст, ҳарчанд ки парвозҳои аз як то дусоатӣ бо тай кардани даҳҳо километр меъёр аст. Бо моҳирона истифода бурдани манбаъҳои қувваи болобардорӣ сарнишин метавонад то якчанд ҳазор метр баланд парвоз кунад.

АКС аз манбаъҳои боз

Январь 24, 2023 15:31

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод