Дар Тоҷикистон Низоми мероси кишоварзии дорои аҳамияти ҷаҳонӣ татбиқ мешавад
ДУШАНБЕ, 19.01.2023. /АМИТ «Ховар»/. Масоили марбут ба татбиқи низоми мероси кишоварзии дорои аҳамияти ҷаҳонӣ 18 январ зимни ҷаласи якуми Гурӯҳи кории байниидоравӣ оид ба татбиқи Низоми мероси кишоварзии дорои аҳамияти ҷаҳонӣ дар шаҳру ноҳияҳои Турсунзода, Шаҳринав ва Ҳисор баррасӣ гардиданд.
Дар ҷаласа муовини Вазири кишоварзӣ Нигина Анварӣ, роҳбари дафтари Созмони кишоварзӣ ва озуқавории СММ дар Тоҷикистон Олег Гушкелдиев ва намояндагони Вазорати корҳои хориҷӣ, Кумитаи ҳифзи муҳити зист, Кумтаи бехатарии озуқаворӣ, Агентии беҳдошти замин ва обёрӣ, Агентии хоҷагии ҷангали назди Ҳукумати Тоҷикистон, Академияи илмҳои кишоварзии Тоҷикистон, мақомоти иҷроияи ҳокимияти давлатии шаҳру ноҳияҳои Турсунзода, Ҳисор ва Шаҳринав иштирок намуданд.
Дар рафти ҷаласа барои иштирокчиён «Низомнома ва нақшаи кории Гурўњи кории байниидоравӣ оид ба татбиқи Низоми мероси кишоварзии дорои аҳамияти ҷаҳонӣ» мавриди муҳокима қарор гирифта, аз ҷониби кормандони Ташкилоти ҷамъиятии «Хазинаи паст намудани сатҳи камбизоатӣ» рунамо оид ба «Методология ва натиҷаҳои тадқиқоти интихоби низомҳои мероси иқтидории кишоварзӣ дар шаҳру ноҳияҳои Турсунзода, Ҳисор ва Шаҳринав» муаррифӣ гардид.
Маврид ба зикр аст, ки Низоми мероси кишоварзии дорои аҳамияти ҷаҳонӣ ин объект ва ё минтақаи аҳолинишини махсус мебошад, ки ба таъсири омилҳои беруна тобовар буда, аз ҷиҳати агробиогуногунӣ фарқкунанда, дорои донишҳои анъанавӣ, фарҳанги бой ва ландшафт мебошад ва он аз тарафи бошандагони худ (фермерон, деҳқонон, чорводорон, моҳигирон ва ғайра) ҷиҳати таъмини амнияти озуқаворӣ ва воситаҳои зиндагӣ истифода мешавад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






