Дар Вилояти Мухтори Кӯҳистони Бадахшон иди Сада бошукӯҳ таҷлил карда шуд
ДУШАНБЕ, 28.01.2022 /АМИТ «Ховар»/. Бахшида ба иди Сада дар майдони Исмоили Сомонии шаҳри Хоруғи Вилояти Мухтори Кӯҳистони Бадахшон чорабинии бошукӯҳ доир гардид. Меҳмонон аз намоишгоҳи маҳсулоти кишоварзӣ ва ҳунарҳои дастӣ, ки аз ҷониби аҳли заҳмат ба намоиш гузошта шуда буданд, дидан намуданд. Дар ин бора ба АМИТ «Ховар» дар Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар доданд.
Дар чорабинӣ тазаккур дода шуд, ки бо шарофати Истиқлолияти давлатӣ ва ташаббусҳои неки фарҳангпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзишҳои фарҳангию суннатии ниёгонамон, ки таърихи зиёда аз панҷҳазорсола доранд, аз нав эҳё гардида, дар ҳаёти мардуми соҳибфарҳангу тамаддунофари тоҷик мавқеи шоиста ва ҷойгоҳи махсус касб намудаанд.
Яке аз чунин суннатҳои хоси мардуми ориёитабор ва ҷашнҳои бостонии миллати тоҷик Сада маҳсуб ёфта, таҷлили он ҳамасола дар Тоҷикистон ба ҳукми анъана даромадааст.
Ба таъкиди донишмандон, Сада мисли Наврӯзу Меҳргон аз ҷашнҳои миллӣ ба шумор рафта, онро ҳар сол мардуми тоҷик бо як шукӯҳу ҷалоли хоса ҷашн мегиранд.
Сада — ин пирӯзии рӯшанӣ бар зулмот, гармӣ бар сардӣ, некӣ бар бадӣ буда, панҷоҳ шабонарӯзро то фарорасии Наврӯз дар бар мегирад. Яъне, Сада аз наздик омадани фасли баҳор ва фарорасии Наврӯзи оламафрӯз мужда мерасонад.
Бо ташаббуси Пешвои муаззами миллат муҳтарам Эмомалӣ Раҳмон Сада дар Тоҷикистон расман ҳамасола 30 январ ҷашн гирифта мешавад. Зеро рӯй овардан ба гузаштаи пурғановати ниёгон ва сабақ бардоштан аз дурдонаҳои бебаҳои фарҳангии гузаштагонамон амали хайрест, ки дирӯзу имрӯз ва фардоро ба ҳам тавъам месозад.
Бархе аз кишоварзон ва собиқадорони соҳаи кишоварзии Вилояти Мухтори Кӯхистони Бадахшон бо «Ифтихорнома» қадрдонӣ карда шуданд.
Дар идома барномаи рангини аҳли санъату фарҳанги вилоят манзури меҳмонони чорабинӣ гардонда шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
