ХАБАРИ ХУШ! Шоираи тоҷик Хосият Вализода бо Сипосномаи Ассамблеяи халқҳои Авруосиё қадрдонӣ гардид

Январь 17, 2023 17:15

ДУШАНБЕ, 17.01.2023 /АМИТ «Ховар»/. Дар шаҳри Перми Федератсияи Россия Форуми кушодаи дӯстӣ баргузор гардид, ки дар он шоираи тоҷик Хосият Вализода бо Сипосномаи Ассамблеяи халқҳои Авруосиё сарфароз гардонида шуд, хабар медиҳад АМИТ «Ховар» бо истинод ба рӯзномаи «Кулябская правда».

Шоираи тоҷик, раиси бахши Ҳаракати ҷамъиятии ваҳдати миллӣ ва эҳёи Тоҷикистон дар Кӯлоб, роҳбари Ташкилоти ҷамъиятии «Армуғони сулҳ» Хосият Вализода барои саҳми назаррас дар таҳкими ҳамкории фарҳангӣ — гуманитарӣ ҷиҳати дастгирии бахши «Дипломатияи халқӣ: таҷриба ва дурнамо» қадрдонӣ шудааст.

Шоира Хосият Вализода дар самти тарғиби сулҳу оромӣ саъю кӯшиш намуда, нерую шаҳди эҷоду эъҷози нобаш тароватбахшу таъсиргузор ва руҳафзо ба ҳаёти осоиштаи мардумони сайёра мебошад.

Хосият Вализода 8 марти соли 1950 дар шаҳри Кӯлоби вилояти Хатлонидар оилаи шоири халқӣ ва ҳофизи мардумӣ Саидалӣ Вализода ба дунё омадааст.


Ӯ факултаи забон ва адабиёти тоҷики Донишкадаи давлатии омӯзгории Кӯлобро хатм кардааст. То соли 1980 дар мактаби миёнаи №5-и шаҳри Кӯлоб омӯзгор ва аз соли 1980 директори хона-музеи С.Вализода буд.

Узви Иттифоқи нависандагони Тоҷикистон, муаллифи чандин маҷмӯаи ашъор, аз ҷумла «Идомаи роҳ», «Такягоҳи хуршед», «Саломи субҳ», «Вафодорӣ», «Зодгоҳи манн, Тоҷикистон», «Муҳаббати фаровон» мебошад,  бархе шеърҳояш ба забонҳои русӣ (дар маҷаллаи «Форум», 4, 2015), узбекӣ ва украинӣ тарҷума шудаанд.

АКС аз манбаъҳои боз

Январь 17, 2023 17:15

Хабарҳои дигари ин бахш

Муассисаи давлатии «Тоҷикфилм» шуруъ аз моҳи март филмҳои нав ба навор мегирад
Асарҳои пешниҳодшуда барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 муайян гардиданд
Дар Суғд барои ҳавасмандгардонии ғолибони даври вилоятии Озмуни ҷумҳуриявии «Тоҷикистон-Ватани азизи ман» 629 000 сомонӣ ҷудо гардид
НАЗАРИ КОРШИНОС. Рушди ҳунармандӣ ба беҳтар шудани имконияти иҷтимоию иқтисодии оилаҳо мусоидат менамояд
Дар вилояти Суғд Рӯзи матбуоти тоҷик ҷашн гирифта мешавад
100-СОЛАГИИ АКАДЕМИК АҲРОР МУХТОРОВ. Соли 1994 ин таърихшиноси маъруфи тоҷик ба нашрияи байналмилалии «500 шахсияти машҳури ҷаҳон» ворид гардид
НАЗАРИ КОРШИНОС. Эҳёи ҳунарҳои мардумӣ ба зиёд гардидани соҳибкории хурд ва баланд шудани некӯаҳволии мардум мусоидат менамояд
«ТОҶИКОНА МЕПӮШЕМ!». Таҳти ин унвон дар шаҳри Хоруғ ҳамоиш доир гардид
Намояндагони Ҳизби Халқии Демократии Тоҷикистон дар Осорхонаи миллӣ бо тамаддуни қадимии тоҷикон шинос шуданд
Дар Вазорати фарҳанги Тоҷикистон бо гурӯҳи адибон мулоқот доир гардид
«ТОҶИКОНА МЕПӮШЕМ!». Аввалин шинохти таъриху фарҳанги ҳар миллат аз либоси миллӣ ибтидо мегирад
«ТОҶИКОНА МЕПӮШЕМ!». Дар Тоҷикистон ташаббуси муаррифии либоси миллӣ оғоз мегардад