Муовини Сарвазири Тоҷикистон Сулаймон Зиёзода бо фаъолияти деҳқонони шаҳри Турсунзода шинос шуд
ТУРСУНЗОДА, 16.01.2023 /АМИТ «Ховар»/. 13 январ муовини Сарвазири Ҷумҳурии Тоҷикистон Сулаймон Зиёзода бо мақсади шносоӣ бо фаъолияти деҳқонон, бахусус ангурпарварон ва истеҳсолкунандагони маҳсулоти полезӣ ба шаҳри Турсунзода сафар намуд. Дар ин бора дар Мақомоти иҷроияи ҳокимияти давлатии шаҳри Турсунзода ба хабарнигори минтақавии АМИТ «Ховар» Субҳониддини МАҲМУД иттилоъ доданд.
Муовини Сарвазири мамлакатро олимони Акдемияи илмҳои кишоварзии Ҷумҳурии Тоҷикистон ҳамроҳӣ намуда, вазъи воқеии боғҳо ва дигар зироати полезиро дар гармхонаҳо таҳлил намуданд.
Таъкид гардид, ки барфи чанд рӯзи охир ба ниҳолҳои ангур ва зироати полезии гармхонаҳо таъсири манфӣ нарасонидааст. Дастур дода шуд, ки ҳарорати гармхонаҳо мувофиқи меъёри зарурӣ нигоҳ дошта шавад ва таҳти назорати доимии мутахассисон қарор гирад.
Ҳамчунин ба роҳбарияти Мақомоти иҷроияи ҳокимияти давлатии шаҳри Турсунзода ва масъулини соҳа дастур дода шуд, ки фаъолияти фермаҳои мурғпарвариро таҳти назорат қарор диҳанд, то рӯзҳои сарморо бе талаф паси сар гарданд.
АКС: Мақомоти иҷроияи ҳокимияти давлатии шаҳри Турсунзода
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
