ТАВСИЯҲО БА БОҒДОРОН ДАР ТОҶИКИСТОН: дар рӯзҳои сард аз буридани шохаҳои дарахтон худдорӣ намоед!
ДУШАНБЕ, 23. 01.2023 /АМИТ «Ховар»/. Боғҳо ва ангурзорро бо анҷом додани корҳои зерини агротехникӣ, аз ҷумла боз кардани каналу ҷӯйҳои байни ҷӯяҳои боғу токзор ва сар додани об метавон аз сармову яхбандӣ наҷот дод. Чунин тавсия додааст Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба боғдорон барои ҳифзи дарахтон дар зимистон. Дар ин бора АМИТ «Ховар» бо истинод ба Кумитаи мазкур хабар медиҳад.
Ба тавсияи Кумитаи ҳолатҳои фавқулода ва мудофиаи граждании Тоҷикистон, ҳарорати об баландтар аз ҳарорати ҳаво аст, аз ин рӯ буғи об имкон намедиҳад ҳарорати хок ва дарахтон поён равад. Дар рӯзҳои сарди зимистон тамоми корҳои агротехникии буридани шохаҳои дарахтон дар боғҳо бояд қатъ карда шаванд. Барои ҳимоя аз сардӣ фавран бояд шохаву танаи бози буттаи ток, анор ва анҷир ва пояҳои шолиро пӯшонид ва ё зери хок кард. Ҳамзамон танаву шохаҳои дарахтони хурморо бо хасбедаву алафҳои хушк бояд пӯшонид.
Ҳамзамон барои ҳимояи дарахтони ситрусӣ ва тамашк, ки дар гармхонаҳо парвариш карда мешаванд, бояд онҳоро боз бо як қабати тунуки селофан пӯшонид. Набояд роҳ дода шавад, ки барф ба гармхона ворид шавад.
Бояд миёни қатори боғҳо ва токзорон ғарами хасу хасбедаву алафҳои хушкида, ки бо шохчаҳои борики дарахтон ва поруву нуриҳои маҳаллӣ омехта карда шудаанд (андозаи дарозиаш 1,25 – 1,5 м ва баландиаш 0,5 – 0,75 м дар боғҳо ва токзорон), паҳн карда шаванд.
АКС: КҲФ ва МГ
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
