Тоҷикистон ва Бонки исломии рушд таҷдиди роҳи Гулистон-Фархор-Панҷ-Дӯстиро баррасӣ карданд
ДУШАНБЕ, 10.01.2023. /АМИТ «Ховар»/. Тоҷикистон ва Бонки исломии рушд таҷдид ва барқарорсозии роҳи мошингарди Гулистон-Фархор-Панҷ-Дӯстиро баррасӣ карданд, хабар медиҳад АМИТ «Ховар» бо истинод ба Вазорати рушди иқтисод ва савдои кишвар.
Масъалаи мазкурро 9 январ Вазири рушди иқтисод ва савдо, мудири кишварии Гурӯҳи Бонки исломии рушд (БИР) аз Тоҷикистон Завқӣ Завқизода ва ҳайати Бонки Исломии Рушд таҳти роҳбарии Эмре Эсер баррасӣ карданд.
Завқӣ Завқизода иброз дошт, ки роҳи мошингарди Гулистон-Фархор-Панҷ-Дӯстӣ як ҷузъи шоҳроҳи байналмилалӣ буда, барои баромадан ба роҳҳои кишварҳои хориҷӣ шароити хуб фароҳам меоварад.
«Роҳи мазкур аҳаммияти калони иқтисодию иҷтимоӣ дошта, барои густариши мусофиркашонию боркашонӣ, тиҷорати наздисарҳадӣ, рушди сайёҳӣ, паст намудани нархи молу маҳсулот ва хизматрасониҳои нақлиётӣ мусоидат менамояд», — тазаккур дод Вазири рушди иқтисод ва савдо.
Дар идома ӯ зикр кард, ки ҳамкории мутақобилан судманди Тоҷикистон бо Бонки исломии рушд сол то сол рушд ёфта, ба сатҳи сифатан нав баромад.
Ҳамзамон дар вохӯрӣ масъалаҳои маблағгузорӣ ба дигар соҳаҳои афзалиятноки иқтисоди миллии Тоҷикистон баррасӣ гардиданд.
Шаҳлои САДРИДДИН,
АМИТ «Ховар»,
АКС: Вазорати рушди иқтисод ва савдои ҶТ
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
Дар минтақаи саноатии шаҳри Гулистон қубурҳои полиэтиленӣ ва ноқилҳои барқӣ истеҳсол мешавад
Дар корхонаҳои саноатии Бадахшон имсол ба маблағи қариб 40 миллион сомонӣ маҳсулот истеҳсол карда шудааст
Сайёҳон бештар ба тамошои ёдгориҳои таърихии Тоҷикистон мароқ зоҳир менамоянд
Ҳайати Тоҷикистон дар Форуми байналмилалии сатҳи баланд оид ба сиёсати сайёҳӣ иштирок намуд
