То соли 2026 дар вилояти Хатлон беш аз 6 ҳазор иншооти гуногун бунёд мешаванд
ДУШАНБЕ, 19.01.2023 /АМИТ «Ховар»/. Ба истиқболи 35-солагии Истиқлолияти давлатии Ҷумҳурии Тоҷикистон дар вилояти Хатлон бунёди беш аз 6 ҳазору 200 иншооти истеҳсолию маишӣ, таълимию тиббӣ, фарҳангию варзишӣ, таъмиру навсозии роҳу пулҳо дар назар дошта шудааст. Ин матлаб 18 январ зимни баргузории конференсияи ҳисоботӣ-интихоботии XIV Ҳизби Халқии Демократии Тоҷикистон дар шаҳри Бохтар баён шуд. Дар ин бора ба АМИТ «Ховар» дар шуъбаи иттилоотӣ ва таҳлилии дастгоҳи Раиси вилояти Хатлон иттилоъ доданд.
Дар конференсия натиҷаҳои рушди иқтисодӣ, иҷтимоӣ ва фарҳангии вилоят мавриди баррасӣ қарор дода шуданд. Конференсияи ҳисоботӣ-интихоботӣ, ки тибқи талаботи Оиннома дар дуюним сол як маротиба баргузор мегардад, аз чорабиниҳои муҳими ташкилии ҳизбӣ маҳсуб шуда, самараи фаъолияти ҳам ташкилоти ҳизбӣ ва ҳам аъзои ҳизбро возеҳ инъикос мекунад.
Дар ҳамоиш муовини якуми Ҳизби Халқии Демократии Тоҷикистон Абдуҷаббор Азизӣ ва иҷрокунандаи вазифаи Раиси вилояти Хатлон Давлаталӣ Саид иштирок намуданд.
Гуфта шуд, ки ҲХДТ ҳизби мардумӣ ва зодаи даврони истиқлолият буда, бо ҳидояту роҳнамоиҳо, фикру андешаи созандаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рӯ ба пешравӣ дорад. Рисолат ва мазмуну моҳияти барномаи Ҳизби Халқии Демократии Тоҷикистон – рушди Тоҷикистони соҳибистиқлол, ободу шукуфон ва аз лиҳози иқтисодию иҷтимоӣ ва сиёсӣ босубот мебошад. Имрӯз ҳамаи шаҳру ноҳияҳои вилоят бо бинои маъмурӣ таъмин гардидаанд. Бинои маъмурии кумитаи иҷроия дар ноҳияи Данғара дар арафаи ифтитоҳ қарор дорад.
Дар охир як зумра фаъолони ҳизб, ки дар пешрафти хоҷагии халқи вилоят саҳм гузоштаанд, бо Ифтихорномаву мукофот қадрдонӣ карда шуданд.
АКС: шуъбаи иттилоотӣ ва таҳлилии дастгоҳи Раиси вилояти Хатлон
ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
Дар шаҳри Бӯстон марҳилаи дуюми корхонаи Ҷамъияти дорои масъулияти маҳдуди «Нуртез» ифтитоҳ гардид
35-СОЛАГИИ ИСТИҚЛОЛИ ДАВЛАТӢ. Дар Суғд зиёда аз 5,5 ҳазор иншоот бунёду навсозӣ ва мавриди истифода қарор дода шудааст
35 СОЛИ ИСТИҚЛОЛИ ДАВЛАТӢ. Дар Бадахшон то охири соли 2024 270 иншоот ба истифода дода мешавад
Дар шаҳри Хуҷанд клиникаи муосири оилавии муосири 1+1 ифтитоҳ гардид
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Маҷмааи таърихиву фарҳангии «Қалъаи Хуҷанд»-ро баъд аз таъмиру навсозӣ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави муассисаи таҳсилоти томактабии «Наврӯзи Истиқлол»-ро мавриди истифода қарор доданд
Сарвари давлат Эмомалӣ Раҳмон дар шаҳри Хуҷанд бинои нави Маркази касбомӯзӣ ва хизматрасониро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Маркази тиббии «Микролаб»-ро ба истифода доданд
Пешвои миллат Эмомалӣ Раҳмон дар шаҳри Хуҷанд корхонаи истеҳсоли равғанро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Истаравшан бинои навбунёди Қасри фарҳангро ифтитоҳ намуданд
Сарвари давлат Эмомалӣ Раҳмон дар шаҳри Истаравшан бо пардабардорӣ аз рӯйи муҷассамаи шоҳ Исмоили Сомонӣ Боғи фарҳангӣ-фароғатии ба номи Исмоили Сомониро ифтитоҳ намуданд
