«ҲУКУМАТИ ТОЛИБОНРО ҚАБУЛ НАДОРЕМ». Сафири Афғонистон дар Тоҷикистон вобаста ба барканорияш посух гуфт
ДУШАНБЕ, 05.01.2023 /АМИТ «Ховар»/. Хабари барканории сафири Афғонистон дар Тоҷикистон Муҳаммад Зоҳир Ағбарро расонаҳои хориҷӣ барои ҷалби таваҷҷуҳ қасдан паҳн мекунанд. Дар ин бора дипломат зимни суҳбат бо хабарнигори АМИТ «Ховар» иброз дошта, гуфт, ки намояндагии дипломатӣ дар ҳудуди ҷумҳурие воқеъ аст, ки ҳукумати нави Кобулро расман эътироф накардааст.
«Сафорати Афғонистон дар Тоҷикистон аз рӯзи аввали ба сари ҳокимият омадани толибон изҳор намуд, ки ин гурӯҳ (ҳаракати «Толибон»* — Тавзеҳи АМИТ «Ховар) ва вазири корҳои хориҷии он Муттақиро низ эътироф намекунад. Кори мо идома дорад»,-таъкид намуд ӯ.
Қаблан бахши форсии The Independent хабар дода буд, ки Зоҳир Ағбар бо фармони вазири корҳои хориҷии «Толибон»* Мавлавӣ Амирхон Муттақӣ аз мақоми сафири Афғонистон дар Тоҷикистон барканор шудааст. Тибқи иттилои манбаъ, фармон 27 ноябри соли 2022 ба имзо расидааст.
Сафири феълии Афғонистон дар Тоҷикистон Муҳаммад Зоҳир Ағбар дар мусоҳиба ба АИ «Азия-Плюс» хабари барканориаш ва таъйини сафири навро рад карда, гуфт, ки сафорат аз толибон ягон дастур нагирифтааст.
__________________
* «Толибон»-ҳаракати террористӣ, ки дар Тоҷикистон мамнуъ аст
Шаҳлои САДРИДДИН,
АМИТ «Ховар»
АКС аз манбаъҳои
Рушди муносибатҳои дуҷонибаи Тоҷикистон ва Кувайт баррасӣ шуд
Идибек Қаландар дар Муколамаи сатҳи баланди сиёсӣ ва амниятии Иттиҳоди Аврупо ва Осиёи Марказӣ иштирок намуд
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
Мусоҳибаи Сафири Ҷумҳурии Тоҷикистон дар Салтанати Умон Зубайдулло Зубайдзода бо рӯзномаи «Умон»
Идибек Қаландар бо муовини Дабири кулли Хадамоти амалиёти хориҷии Аврупо мулоқот намуд
Дар Теҳрон масоили рушди ҳамкории Тоҷикистон ва Эрон дар соҳаи нақлиёт баррасӣ гардид
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
Сафири Тоҷикистон бо роҳбари Раёсати Осиё ва Уқёнуси Ороми Вазорати корҳои хориҷии Олмон мулоқот намуд
