Вазорати корҳои дохилии Россия қонуне таҳия намуд, ки издивоҷҳои қалбакии муҳоҷиронро истисно мекунад
ДУШАНБЕ, 05.01.2023 /АМИТ «Ховар»/. Вазорати корҳои дохилии Россия лоиҳаи қонуне омода кардааст, ки ба истиснои имконият барои шаҳрвандони хориҷӣ, ки бо роҳи издивоҷи қалбакӣ ва ба таври қалбакӣ барқарор кардани падарӣ мехоҳанд мавқеи худро дар ин кишвар қонунӣ намоянд, равона шудааст. Тавре АМИТ «Ховар» хабар медиҳад, дар ин бора рӯзи чоршанбе ба ТАСС намояндаи расмии ин идора Ирина Волк хабар дод.
«Дар айни ҳол Вазорати корҳои дохилии Россия лоиҳаи қонуни федералиро таҳия кардааст, ки ба такмили қонунгузории муҳоҷират дар самти истиснои истифодаи никоҳи қалбакӣ ва муқаррар кардани падарии қалбакӣ барои шаҳрвандони хориҷӣ ё шахсони бешаҳрвандӣ барои ғайриқонунӣ гирифтани мақоми муҳоҷират дар қаламрави Федератсияи Русия равона шудааст» -гуфт ӯ.
Волк иброз намуд, ки дар айни замон аз рӯи лоиҳаи қонун тартиби мувофиқасозии байниидоравӣ гузаронида мешавад. Давоми 11 моҳи соли гузашта «аз ҷониби мақомоти ҳудудии Вазорати корҳои дохилии Россия тақрибан 400 қарор дар бораи бекор кардани ҳуҷҷатҳои иҷозат барои истиқомати шаҳрвандони хориҷӣ дар ФР бинобар тибқи тартиби судӣ беэътибор донистани ақди никоҳе, ки шахсони мазкур бо шаҳрвандони ФР бастаанд, қабул карда шуданд», — тазаккур дод ӯ.
Қонуни амалкунанда «Дар бораи шаҳрвандии Федератсияи Россия» пешбинӣ мекунад, ки шаҳрвандони хориҷӣ ва шахсони бешаҳрвандӣ метавонанд барои қабули шаҳрвандии Россия ба тарзи содакардашуда, агар онҳо на камтар аз се сол бо шаҳрванди Россия зиндагӣ дошта бошанд, инчунин агар дар оила фарзанди умумӣ бошанд, бидуни риояи ин муҳлат муроҷиат кунанд
София ШОИК,
АМИТ «Ховар»
АКС аз бойгонӣ
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
