68 донишҷӯи Академияи идоракунии давлатӣ барои табодули академӣ ба хориҷи Тоҷикистон фиристода шудаанд
ДУШАНБЕ, 14.02.2023. /АМИТ «Ховар»/. Соли 2022 Академияи идоракунии давлатии назди Президенти Ҷумҳурии Тоҷикистон 68 нафар донишҷӯёнро дар доираи барномаи табодули академӣ ба муассисаҳои таҳсилоти олии касбии хориҷи мамлакат фиристод. Дар ин хусус 13 феврал зимни нишасти матбуотӣ Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода ба хабарнигорон иттилоъ дод.
Мавсуф тазаккур дод, ки дар давраи ҳисоботӣ Академия бо якчанд муассисаҳои таҳсилоти олии хориҷӣ, аз ҷумла идораи сохтории Созмони Милали Муттаҳид–Занон (UN Women) дар Ҷумҳурии Тоҷикистон, Маркази минтақавии экологии Осиёи Марказӣ (РЭЦЦА), Донишгоҳи миллии Қазоқистон ба номи Ал-Форобӣ ва Донишгоҳи вилояти Қустанай ба номи А. Байтурсиноваи Ҷумҳурии Қазоқистон ёдошти тафоҳум ва созишномаҳои ҳамкорӣ ба имзо расонид.
Ҳамзамон баён гардид, ки дар Академия 2 нафар шаҳрвандони хориҷӣ- як нафар аз Афғонистон дар зинаи магистратура ва як нафари дигар аз Ҷумҳурии Узбекистон дар зинаи бакалавр таҳсил менамоянд.
Ректор иброз дошт, ки раванди таълим дар гурӯҳҳои таълимӣ бо се забон- тоҷикӣ, русӣ ва англисӣ ба роҳ монда шудааст.
Ҳамзамон иттилоъ дода шуд, ки мувофиқи маълумоти оморӣ, шумораи умумии донишҷӯён ва магистрантони Академия ба ҳолати моҳи декабри соли 2022 4808 нафарро ташкил медиҳад. Аз онҳо 1027 нафарашон тариқи буҷавӣ ва 3781 нафарашон тариқи шартномавӣ таҳсил менамоянд.
София ШОИК,
АМИТ «Ховар»
АКС: АМИТ «Ховар»
Дар Тоҷикистон ба як омӯзгор 18 хонанда рост меояд
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
Қабули ҳуҷҷатҳо барои иштирок дар Стипендияи байналмилалии Президенти Тоҷикистон «Дурахшандагон» оғоз ёфт
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
«БЕҲТАРИНИ ОСИЁ – 2026». Навраси тоҷик сазовори ҷоизаи байналмилалӣ шуд
Моҳи ноябр доир ба саҳми Борбади Марвазӣ дар рушди мусиқӣ конфронси байналмилалӣ баргузор мегардад
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Дар Донишгоҳи давлатии молия ва иқтисоди Тоҷикистон 140 донишҷӯи хориҷӣ таҳсил мекунад
