Абдулҳаким Розиқзода: Барои таъҷилан ва осон «олим» кардани шогирдон, мутаассифона, баъзе устодони мо ба сохтакориҳо даст мезананд
ДУШАНБЕ, 11.02.2023 /АМИТ «Ховар»/. Ҳоло ҳам дар раванди омода кардани кормандони илмӣ ва илмӣ-техникии тахассуси олӣ ҳолатҳои шитобкорӣ, саҳлангорӣ ва як навъ муносибати рӯякӣ нисбат ба онҳое, ки роҳи пурмашаққату заҳматталаби илмро интихоб кардаанд, ба назар мерасад. Дар роҳи таъҷилан ва осон «олим» кардани шогирдон, мутаассифона, баъзе олимони мо ба сохтакориҳо низ даст мезананд. Дар ин хусус Раиси Комиссияи аттестатсионии назди Президенти Ҷумҳурии Тоҷикистон Абдулҳаким Розиқзода 10 феврал зимни нишасти матбуотӣ иброз намуд.
Мавсуф изҳор дошт, ки «роҳбарони илмӣ, экспертҳои дохилӣ, муқарризони расмӣ ва муассисаҳои пешбар баъзе диссертатсияҳоро ҷиддӣ таҳрир ва муҳокима намекунанд, ки дар натиҷа таҳқиқоти пурғалату камарзиш дар Шӯроҳои диссертатсионӣ ҳимоя мешаванд. Асолати баъзе аз диссертатсияҳо хеле паст буда, аз таҳқиқоти дигарон рӯйбардор карда мешаванд, ки дар ин маврид мисолҳои дақиқ дар Комиссия хеле фаровонанд».
Иттилоъ дода шуд, ки соли сипаригардида ба Комиссия 264 парвандаи аттестатсионӣ ва диссертатсия ворид гардид, ки аз он 137 парвандаи аттестатсионӣ ва диссертатсия тасдиқ карда шуд. Ҳамзамон зикр гардид, ки дар айни ҳол дар назди муассисаҳои илмӣ ва таҳсилоти олии касбии ҷумҳурӣ 70 Шӯрои диссертатсионӣ таъсис дода шудаанд, ки аз рӯйи 169 ихтисоси анъанавӣ ва 169 ихтисоси доктори фалсафа (PhD)-доктор аз рӯи ихтисос диссертатсияҳоро барои дарёфти дараҷаҳои илмии доктори фалсафа (PhD)-доктор аз рӯи ихтисос, номзади илм ва доктори илм қабул ва баррасӣ менамоянд.
Шаҳлои САДРИДДИН,
АМИТ «Ховар»
АКС: АМИТ «Ховар»
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
