Арабистони Саудӣ ба сокинони аз офатҳо зарардидаи Тоҷикистон кумаки башардӯстона мерасонад
ДУШАНБЕ, 23.02.2023 /АМИТ «Ховар»/. Дар доираи рушди минбаъдаи ҳамкории байналмилалӣ дар соҳаи пешгирӣ ва рафъи ҳолатҳои фавқулода дар Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо ҳайати Вазорати корҳои хориҷии Шоҳигарии Арабистони Саудӣ вохӯрӣ баргузор гардид. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ хабар медиҳад.
Дар вохӯрӣ Сафири Фавқулода ва Мухтори Шоҳигарии Арабистони Саудӣ дар Ҷумҳурии Тоҷикистон, инчунин як гурӯҳ кормандони Маркази дастгирӣ ва кумаки башардӯстонаи Шоҳ Салмон (Бунёди шоҳ Салмон) иштирок доштанд.
Ҳайати Шоҳигарии Арабистони Саудӣ масъалаҳои мусоидат ба таҳкими иқтидори техникии Кумита, таъсиси маркази симулятсионии дорои синфҳои интерактивӣ, харидани таҷҳизоти махсус барои рафъи оқибатҳои офатҳои табиӣ, таҷҳизоти махсус барои наҷотдиҳандагон, расонидани кумаки башардӯстона ба аҳолии осебдидаро баррасӣ карданд.
Дар вохӯрӣ дар мавриди ироаи кумакҳои башардӯстона аз ҷониби Бунёди Шоҳ Салмон ба аҳолии аз ҳаводиси табиии зимистони имсола осебдидаи Тоҷикистон ва ҳамчунин ба табақаҳои осебпазири аҳолӣ ба маблағи умумии 1,5 миллион доллар тавофуқ ҳосил шуд.
Тазаккур дода шуд, ки дар Тоҷикистон ба 12 ҳазор оилаи ниёзманд кумак расонида мешавад. Бар асоси созишнома, кумакҳои Бунёди Шоҳ Салмон тавассути Кумита дар ҳамкории зич бо мақомоти иҷроияи ҳокимияти давлатии шаҳру навоҳии Тоҷикистон дар шаш моҳи соли 2023 ба ниёзмандон тақсим карда мешавад.
Сафари ҳайати Шоҳигарии Арабистони Саудӣ дар татбиқи сиёсати давлатӣ дар соҳаи ҳифзи аҳолӣ ва таҳкими минбаъдаи ҳамкории байналмилалӣ дар ин самт марҳалаи муҳим ба ҳисоб меравад. Тавре маълум аст, Бунёди Шоҳ Салмон якчанд тарҳҳои иқтисодиву иҷтимоиро дар Тоҷикистон маблағгузорӣ кардааст. Аз ҷумла, бо кумаки молии Бунёди мазкур соли 2018 бинои нави Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ бо харҷи қариб 1 миллион доллари америкоӣ бунёд гардид.
АКС: Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон
ОМОДАГӢ БА ЗИМИСТОН. Муассисаҳои тандурустии шаҳри Хуҷанд ба мавсими сармо ҳамаҷониба омода мешаванд
Ҷумҳурии Тоҷикистон Конвенсияи Созмони Милали Муттаҳид дар бораи ҳуқуқҳои маъюбонро тасдиқ кард
Забони тоҷикӣ дар фазои рақамӣ: аз пайкараи матнӣ то истилоҳоти ягона
Дар Душанбе симпозиум доир ба соҳаи онкология оғоз гардид
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
