БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар маркази ноҳияи Мастчоҳ беморхона ва муассисаи таълимӣ бунёд мешаванд
ДУШАНБЕ, 03.02.2023 /АМИТ «Ховар»/. Ба истиқболи ҷашни 35-солагии Истиқлоли давлатии Ҷумҳурии Тоҷикистон соли 2023 дар маркази ноҳияи Мастчоҳ беморхона ва муассисаи таълимии сеошёна барои зиёда аз ҳазор хонанда ба нақша гирифта шуда, сохтмони онҳо дар семоҳаи аввали соли равон оғоз мегардад. Дар ин хусус 1 феврал зимни нишасти матбуотӣ Раиси ноҳияи Мастчоҳ Аъзам Ализода иттилоъ дод.
Дар нишаст гуфта шуд, ки нишондиҳандаҳо дар ҳама самтҳо, аз ҷумла бунёди иншооти гуногуни хизмативу ҷамъиятӣ, рушди энергетика, ҳифзи амнияти озуқаворӣ ва дастрасии аҳолӣ ба ғизои хушсифат, рушди соҳаи меъморӣ ва сохтмон, рушди инфрасохтор ва нақлиёт, рушди соҳаи алоқа ва технологияҳои иттилоотию коммуникатсионӣ, инчунин оид ба вусъати шуғли пурмаҳсул, рушди соҳаҳои маорифу тандурустӣ, фарҳанг ва ҳифзи иҷтимоии аҳолӣ назаррас мебошанд.
Соли 2022 корхонаҳои саноатии ноҳияи Мастчоҳ ба маблағи 318 млн 253 ҳазору 800 сомонӣ маҳсулот истеҳсол намудаанд, ки дар муқоиса ба ҳамин давраи соли 2021 43 млн 395 ҳазору 800 сомонӣ зиёд буда, 115,8 фоизро дар бар мегирад.
Дар ин давра ҳаҷми маҷмӯи маҳсулоти кишоварзии ноҳияи Мастчоҳ ба 1 миллиарду 417 миллиону 426 ҳазор сомонӣ баробар гардид. Ин нишондиҳанда дар муқоиса ба соли 2021 зиёда аз 190 миллион сомонӣ афзоиш ёфта, 115,5 фоизро ташкил додааст.
АКС: Дафтари матбуоти Раиси ноҳияи Мастчоҳ
Маҷлиси Ҳукумати Ҷумҳурии Тоҷикистон баргузор шуд
Дар деҳаҳои Қалъаи нав, Ҷавонӣ ва Чормағзи шаҳри Роғун се кӯдакистон ба истифода дода шуд
«ҲАР ОН КАС, КИ ШОҲНОМАХОНӢ КУНАД…». Дар Тоҷикобод даври ноҳиявии Озмуни ҷумҳуриявии «Шоҳномахонӣ» доир гардид
Муовини Сарвазири Тоҷикистон Дилрабо Мансурӣ бо фаъолони шаҳри Исфара вохӯрӣ намуд
СОЛИ ОБОДОНИВУ СОЗАНДАГӢ. Дар Суғд зиёда аз 12 ҳазор иншоот ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода муассисаҳои таълимӣ, кӯдакистони хусусӣ ва толорҳои варзишӣ бунёд карда мешаванд
35-СОЛАГИИ ИСТИҚЛОЛИ ДАВЛАТӢ. Дар деҳаи Кадучӣ толори варзишию маркази хизматрасонӣ ба истифода дода шуд
Дар Донишкадаи кӯҳию металлургии Тоҷикистон оид ба рушди соҳаи маъдан ва кӯҳкорӣ конференсияи байналмилалӣ баргузор шуд
ОБОД СОХТАНИ ВАТАН ИБОДАТ АСТ! Соҳибкори ватанӣ дар болои дарёи Кофарниҳон ба маблағи 5 миллион сомонӣ кӯпруки мошингузар сохт
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ меҳмонхонаи замонавӣ бунёд карда мешавад
Иҷрои нақшаи бунёди иншооти ҷашнӣ дар вилояти Хатлон 112 фоиз таъмин гардидааст
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
