Байни Тоҷикистон ва Малайзия ҳамкории илмию таҳқиқотӣ густариш меёбад
ДУШАНБЕ, 07.02.2023 /АМИТ «Ховар»/. 3 феврал зимни мулоқот дар Маркази тадқиқоти стратегии назди Президенти Ҷумҳурии Тоҷикистон бо мудири иҷроияи Бунёди муколамаи Пердана (Perdane Dialogue Foundation)-и Ҷумҳурии Малайзия Муҳаммад Рафӣ Юсуф масъалаи ба роҳ мондани ҳамкории илмию таҳқиқотӣ баррасӣ карда шуд. Дар ин хусус ба АМИТ «Ховар» дар хадамоти матбуоти Маркази тадқиқоти стратегӣ хабар доданд.
Зимни мулоқот доир ба самтҳои асосии фаъолияти Маркази тадқиқоти стратегии Тоҷикистон маълумот дода шуд. Таъкид гардид, ки пешбурди робитаҳои илмию таҳқиқотӣ бо марказҳои зеҳнии дигар давлатҳо аз авлавияти асосӣ дар фаъолияти Марказ ба ҳисоб меравад. Иброз гардид, ки дар доираи ҳамкорӣ байни марказҳои зеҳнӣ баргузор намудани машварату ҳамоишҳои илмӣ дар соҳаҳои гуногун ҳамчун таҷрибаи амалӣ ба ҳукми анъана даромадааст.
Мудири иҷроияи Бунёди муколамаи Пердана Муҳаммад Рафӣ Юсуф барои пазироии самимӣ ба роҳбарияти Маркази тадқиқоти стратегии назди Президенти Ҷумҳурии Тоҷикистон изҳори сипос намуда, иброз дошт, ки Малайзия, махсусан Бунёди муколамаи Пердана ҳавасманди рушди ҳамкории бисёрсамта ва барои ҳарду ҷониб судманд бо Тоҷикистон аст.
Зимни мулоқот ҳамчунин масъалаи ба роҳ мондани ҳамкории илмию таҳқиқотӣ, баргузор намудани симпозиуму конфронсҳои илмӣ байни Маркази тадқиқоти стратегӣ ва Бунёди муколамаи Пердана мувофиқи мақсад шуморида шуд.
АКС: Маркази тадқиқоти стратегии назди Президенти Ҷумҳурии Тоҷикистон
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
