Дар Донишгоҳи байналмилалии забонҳои хориҷии Тоҷикистон 586 нафар шаҳрвандони хориҷӣ таҳсил доранд
ДУШАНБЕ, 09.02.2023 /АМИТ«Ховар»/. Дар асоси шартнома ва қарордодҳои муштарак 12 нафар донишҷӯёни Донишгоҳи байналмилалии забонҳои хориҷии Тоҷикистон ба номи Сотим Улуғзода ҷиҳати идомаи таҳсил ба хориҷи мамлакат, аз ҷумла 5 нафар ба Ҷопон, 2 нафар ба Кореяи Ҷанубӣ ва 5 нафар ба Ҳиндустон сафар намуданд. Чунин иттилоъ дод 8 феврал зимни нишасти матбуотӣ Ректори Донишгоҳи байналмилалии забонҳои хориҷии Тоҷикистон Жило Гулназарзода ба хабарнигорон.
Тибқи маълумоти оморӣ, дар донишгоҳ 442 нафар кормандон фаъолият доранд, ки аз онҳо 3 нафар шаҳрванди хориҷиянд- як нафар шаҳрванди Кореяи Ҷанубӣ, як нафар шаҳрванди Ҷумҳурии Мардумии Чин ва як нафар шаҳрванди Ҷумҳурии Қазоқистон.
“Дар давраи ҳисоботӣ шумораи созишномаҳои ин донишгоҳ бо муассисаҳои таҳсилоти олии касбии хориҷи мамлакат ба 53 адад расида, он бештар фарогири ҳамкории дуҷониба дар самти табодули донишҷӯён, баргузории ҳамоишу конференсияҳои муштарак ва монанди инҳо мебошанд”,-гуфт номбурда.
Инчунин дар донишгоҳ 586 нафар шаҳрванди хориҷӣ, хусусан аз Туркманистон 3 нафар, Қирғизистон- 1 нафар, Афғонистон- 3 нафар, Узбекистон- 576 нафар, Федератсияи Русия- 2 нафар ва Қазоқистон- 1 нафар ба таҳсил фаро гирифта шудаанд. Инчунин дар ин давра 7 нафар шунаванда дар донишгоҳ таҳсил намуда, ба омӯзиши забони тоҷикӣ машғуланд.
Дар нишасти матбуотӣ оид ба шароити таҳсил ва макони будубоши 3 нафар донишҷӯёни Афғонистон тазаккур дода шуд, ки онҳо аз ҷониби Раёсати донишгоҳ дастгирӣ ёфта, бо тамоми шароити зарурӣ таъминанд ва таҳсилашон дар муассиса ройгон мебошад.
Тазаккур дода шуд, ки ғамхорӣ нисбат ба ятимон дар меҳвари фаъолияти тарбиявии донишгоҳ қарор дошта, раёсати донишгоҳ ба 8 нафар донишҷӯи ятими кулл ҳар моҳ дар ҳаҷми 250 сомонӣ кумакпулӣ таъйин намудааст.
София ШОИК,
АМИТ «Ховар»
АКС: АМИТ «Ховар»
Дар Душанбе ҷаласаи Шурои ҳамкорӣ дар соҳаи маорифи давлатҳои аъзои ИДМ доир шуд
Форуми байналмилалии «Ташаббусҳои Пешвои миллат ва уфуқҳои нави рушд» баргузор гардид
Хонандагони тоҷик дар олимпиадаи байналмилалӣ сазовори се ҷойи сеюм гардиданд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
