Дар Кӯлоб озмуни «Ватанпарвар» доир карда шуд
ДУШАНБЕ, 23.02.2023. /АМИТ «Ховар»/. 23 феврал дар шаҳри Кӯлоб бахшида ба 30-солагии таъсиси Қувваҳои Мусаллаҳи Ҷумҳурии Тоҷикистон дар байни хонандагони синфҳои 10-11-и муассисаҳои таълимии вилояти Хатлон дар минтақаи Кӯлоб даври вилоятии Озмуни ҳарбӣ-варзишии «Ватанпарвар» баргузор карда шуд, хабар медиҳад хабарнигори минтақавии АМИТ «Ховар» Сулаймон Холов.
Дар озмун дастаҳои ноҳияҳои Балҷувон ва Мир Саид Алӣ Ҳамадонӣ мақоми сеюм, ноҳияи Восеъ ва Балҷувон зинаи дуюм ва дастаи шаҳри Кӯлоб бо иштироки фаъолонаашон ҷойи аввалро соҳиб гардида, аз ҷониби масъулин бо нишону ифтихорнома ва Ҷоми мусобиқа қадршиносӣ карда шуданд.
Акнун дастаи ғолиб аз шаҳри Кӯлоб роҳхати даври ҷумҳуриявиро ба даст оварда, рӯзҳои наздик ҷиҳати иштирок дар даври ниҳоӣ ба шаҳри Душанбе сафарбар мешавад.
Дастаҳои ғолиби марҳилаи ноҳиявӣ med-blog.com минтақавӣ роҳ ёфта, баҳри дарёфи роҳхат ба марҳилаи ҷумҳуриявӣ бо ҳам талош варзиданд. Ба ин ҳамоиш дастаҳои пурқувват роҳхат гирифта, ҳар яки онҳо маҳорату малакаи ҳарбӣ-варзиширо дар сатҳи баланд намоиш доданд.
Директори Муассисаи таҳсилоти иловагии минтақаи Кӯлоб Ҳайдарҷони Ҳайдар гуфт, ки дар ин озмун ҳамаи дастаҳои иштирокчӣ аз уҳдаи шартҳо баромаданд.
АКС: АМИТ «Ховар»
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
Имрӯз дар Прокуратураи генералӣ, Вазорати молия, Кумитаи андоз, агентиҳои назорати давлатии молиявӣ ва мубориза бо коррупсия ва суғуртаи иҷтимоӣ ва нафақа нишасти матбуотӣ баргузор мегардад
Аз 21 то 23 июл дар Тоҷикистон ҳавои номусоид ва бориши борон дар назар аст
МегаФон Тоҷикистон дастрасии муштариёнро ба онлайн-кинотеатри Wink боз намуд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
