Дар ноҳияи Қубодиён барои хизматчиёни давлатӣ бинои 45-ҳуҷрадор бунёд мегардад
ДУШАНБЕ, 03.02.2023. /АМИТ «Ховар»/. Дар Ҷамоати шаҳраки Қубодиёни ноҳияи Қубодиёни вилояти Хатлон барои хизматчиёни давлатӣ бинои 45-ҳуҷрадор сохта мешавад. Бинои мазкур яке аз иншоотҳои ҷашнӣ бахшида ба 35-солагии Истиқлолияти давлатӣ маҳсуб мешавад. Дар айни замон пўшонидани боми бино ва корҳои пардозгарии он идома доранд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон.
Фармоишгари бино «Дирексияи сохтмони иншооти ҳукуматӣ»-и Дастгоҳи иҷроияи Президенти Ҷумҳурии Тоҷикистон буда, он дар майдони 0,60 га замин бунёд гардидааст.
Бинои мазкур аз ҷониби пудратчии асосӣ ҶДММ «Парвиз-92» сохта шуда, бунёди он соли 2019 бо маблағи сметавии 185 00 000 сомонӣ оғоз гардидааст. Дар айни замон дар сохтмон қариб ба маблағи 9 000 000 сомонӣ корҳо аз худ карда шудаааст.
Мавриди зикр аст, ки дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарм Эмомалӣ Раҳмон ҷиҳати бунёдкорию созандагӣ бахшида ба ҷашни 35-солагии Истиқлолияти давлатӣ субҳи имрӯз иҷрокунандаи вазифаи Раиси вилояти Хатлон Давлаталӣ Саид ҷиҳати шиносоӣ бо рафти корҳои сохтмонии иншоотҳои ҷашнӣ ба ноҳияи Қубодиён сафари корӣ намуд.
Номбурда бо корҳои сохтмонии бинои истиқоматии 45-ҳуҷрагӣ аз наздик шинос шуда, барои сари вақт ва босифат анҷом додани корҳои бунёдӣ супориш дод.
Рухсораи НУР,
АМИТ «Ховар»
АКС: Мақомоти иҷроияи ҳокимияти давлатии вилояти Хатлон
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншоот дар ноҳияи Бобоҷон Ғафуров ва 13 иншоот дар шаҳри Конибодомро мавриди истифода қарор доданд
Пешвои миллат Эмомалӣ Раҳмон дар ноҳияи Бобоҷон Ғафуров корхонаи коркарди меваю сабзавот, истеҳсоли нӯшокиҳои ташнагишикан ва афшураҳои мевагии ҶДММ «Сирдарё»-ро ба истифода доданд
Сарвари давлат Эмомалӣ Раҳмон бинои кумитаи иҷроияи Ҳизби Халқии Демократии Тоҷикистонро дар вилояти Суғд мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Бӯстон корхонаи истеҳсоли хӯроки чорво ва парандаи ҶДММ «Базаи таъминот»-и ширкати Барсро ифтитоҳ намуданд
Пешвои миллат Эмомалӣ Раҳмон бо сафари корӣ ба вилояти Суғд ташриф оварданд
Дар ноҳияи Шоҳмансури шаҳри Душанбе кӯдакистони «Парасту» ифтитоҳ гардид
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
