Дар шаҳри Норак ҷиҳати пешгирӣ аз пошхӯрии оилаҳои ҷавон конфренсия доир карда шуд
НОРАК, 12.02.2023. /АМИТ «Ховар»/. Бо ташаббуси бахши Сабти асноди ҳолати шаҳрвандии шаҳри Норак ҷиҳати пешгирӣ аз пошхӯрии оилаҳои ҷавон таҳти унвони «Ҷомеаи солим аз оилаи солим сарчашма мегирад» Конфренсияи илмӣ-назариявӣ баргузор карда шуд, хабар медиҳад АМИТ «Ховар».
Дар конференсия иброз гардид, ки имрӯзҳо, мутаассифона, оилаҳои ҷавон зуд-зуд пош хӯрда истодаанд, ки ин ҳолат боиси нигаронист. Дар ин робита фаъолони ҷомеаро зарур аст, ки ҷиҳати муайян намудани омилҳои аслии роҳҳои бартараф намудани мушкилиҳо тадбирҳои мушаххасро амалӣ намоянд.
Пешниҳод гардид, ки дар муассисаҳои таълимӣ байни синфҳои болоӣ дарсҳои маърифати оиладорӣ ба таври ҷиддӣ ба роҳ монда шуда, зимни ин дарсҳо шахсони рӯзгордидаву ботаҷриба барои гузаронидани суҳбат даъват карда шаванд. Инчунин фаъолияти Шӯрои кор бо занон ва оила дар назди ҷамоатҳо ва ташкилоту муассисаҳо ҷоннок гардонида шавад.
Минбаъд низ чунин чорабиниҳо ҷиҳати баланд бардоштани маърифати оиладорӣ дар ҷомеа дар шаклҳои назариявию амалӣ баргузор карда мешаванд.
АКС: бахши Сабти асноди ҳолати шаҳрвандии шаҳри Норак
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
