Дар Тоҷикистон лоиҳаи «Рақамикунонии шартномаҳои меҳнатӣ» ба фаъолият оғоз мекунад
ДУШАНБЕ, 09.02.2023 /АМИТ «Ховар»/. Дар Тоҷикистон лоиҳаи «Рақамикунонии шартномаҳои меҳнатӣ» ба фаъолият оғоз мекунад. Дар сурати амалӣ гардидани лоиҳаи мазкур тамоми шартномаҳои меҳнатӣ ба тариқи электронӣ ба махзан ворид карда шуда, аз он мақомоти андоз, суғурта ва нафақа истифода карда метавонанд. Лоиҳаи мазкур 8 феврал дар Вазорати меҳнат, муҳоҷират ва шуғли аҳолии Ҷумҳурии Тоҷикистон зимни ҷаласаи Комиссияи сетарафаи танзими муносибатҳои иҷтимоию меҳнатӣ, ки таҳти раёсати муовини Сарвазири Ҷумҳурии Тоҷикистон Матлубахон Сатториён доир гардид, муаррифӣ карда шуд. Дар ин хусус ба АМИТ «Ховар» дар Вазорати мазкур иттилоъ доданд.
Гуфта шуд, ки амалӣ намудани лоиҳа боиси зиёд гардидани ҳисобҳои шахсии суғуртавӣ низ мегардад.
Дар кори ҷаласа нақшаи чорабиниҳои Созишномаи генералӣ байни Ҳукумати Ҷумҳурии Тоҷикистон, Федератсияи Иттифоқҳои касабаи мустақили Тоҷикистон ва Иттиҳодияи корфармоёни Ҷумҳурии Тоҷикистон барои солҳои 2021-2023 ироа гардид. Инчунин намояндагони шарикони иҷтимоӣ ва вазорату идораҳо доир ба иҷрои бандҳои алоҳида ва мушкилоти ҷойдошта ибрози назар намуданд.
Вобаста ба татбиқи минбаъдаи созишномаи мазкур аз ҷониби муовини Сарвазири Ҷумҳурии Тоҷикистон Матлубахон Сатториён ба масъулин супоришҳои мушаххас дода шуд.
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
