Дар вилояти Суғд Рӯзи Қувваҳои Мусаллаҳи Ҷумҳурии Тоҷикистон бо шаҳомат таҷлил карда шуд

Февраль 21, 2023 16:00

ДУШАНБЕ, 21.02.2023 /АМИТ«Ховар»/. 20 феврал дар Кохи фарҳанги ба номи Абӯабдуллоҳи Рӯдакӣ​ ба муносибати Рӯзи Қувваҳои Мусаллаҳи Ҷумҳурии Тоҷикистон ҳамоиши  тантанавӣ баргузор гардид. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.

Тазаккур дода шуд, ки Қувваҳои Мусаллаҳи Ҷумҳурии Тоҷикистон бо вуҷуди мушкилоти зиёде, ки тӯли солҳои аввали соҳибистиқлолӣ дар ҳаёти иқтисодиву иҷтимоии  мамалакат  ҷой доштанд, тадриҷан ба неруи тавонои ҳарбӣ табдил ёфт.

Президенти Ҷумҳурии Тоҷикистон муҳтарам Эмомалӣ Раҳмон зимни яке аз суханрониҳояшон боифтихор чунин таъкид намуданд: «Имрӯз ман бо қаноатмандӣ ва ифтихор изҳор менамоям, ки афсарону сарбозони Қувваҳои Мусаллаҳ аз бисёр имтиҳону озмоишҳои сахту сангин бо сари баланд гузаштанд ва рисолати касбиву ҳифзи шаҳрвандии худро бошарафона адо намуданд».

Таъкид карда шуд, ки​ Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилоят​ барои беҳтар гардонидани шароити хизмат ва зиндагии ҳайати шахсӣ, баланд бардоштани сатҳи таъминоти иҷтимоӣ, навсозии иқтидори техникӣ ва муҷаҳҳазгардонии Қувваҳои Мусаллаҳ дар оянда низ тамоми тадбирҳои заруриро​ меандешанд. Хизматчиёни ҳарбӣ- аз генерал то сарбози қаторӣ бо хизмати садоқатмандонаи хеш дар бунёди ҷомеаи демократӣ, ҳуқуқбунёд, дунявӣ нақши муҳим гузошта, ба ин восита манфиатҳои сиёсӣ, якпорчагии Ватан ва марзҳои онро аз ҳама гуна амалиёти харобиовар ҳимоя менамоянд.​

Изҳори боварӣ карда шуд, ки​ афсарону сарбозони далеру шуҷои Қувваҳои Мусаллаҳ ба савганди ҳарбии худ ҳамеша содиқ монда, рисолати фарзандии худро дар назди Ватан, миллат ва давлати худ минбаъд низ содиқона иҷро мекунанд ва тамоми донишу таҷриба, малакаву маҳорати худро ба хотири ҳифзи давлатдории навини миллати тоҷик сафарбар менамоянд.​

АКС: Хадамоти матбуоти Раиси вилояти Суғд

Февраль 21, 2023 16:00

Хабарҳои дигари ин бахш

Ба сокинони Файзобод муҳтавои суханронии Президенти Тоҷикистон дар мулоқот бо фаъолону намояндагони ҷомеа ва ходимони дин расонида шуд
Дар Суғд лоиҳаҳо оид ба истеҳсоли неруи барқ аз нури Офтоб ва бод татбиқ карда мешаванд
Имрӯз дар шаҳри Машҳад маросими видоъ ва ҷанозаи Президенти Ҷумҳурии Эрон Сайидиброҳим Раисӣ баргузор мешавад
Ҳама роҳҳо ба сӯи «Анор» мебаранд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«НАҚШИ ҶАВОНОН ДАР РУШДИ ҚУВВАҲОИ МУСАЛЛАҲ». Дар Вазорати мудофиаи Тоҷикистон Рӯзи ҷавононро таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Коршиносони Маркази тадқиқоти стратегӣ дар конфронси байналмилалӣ доир ба рушд ва ҳамкории Чин ва Тоҷикистон иштирок намуданд
Дар ЭКСПО-и фарҳангии шаҳри Лондон гӯшаи фарҳанги миллӣ ва намоиши либосҳои тоҷикӣ ташкил гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Душанбе доир ба нақши оила дар рушди сармояи инсонӣ конференсияи байналмилалӣ доир шуд
АЗ ТАШАББУСҲОИ БАЙНАЛМИЛАЛӢ ИФТИХОР ДОРЕМ. Дар Донишгоҳи технологии Тоҷикистон Рӯзи ҷаҳонии футболро таҷлил намуданд