ДАСТГИРИИ ДАВЛАТ. Дар Хуҷанд теъдоди сохтмони манзилҳои истиқоматӣ барои омўзгорон меафзояд
ДУШАНБЕ, 13.02.2023. /АМИТ «Ховар»/. Дар паҳлўи бинои нави таълимии Донишгоҳи давлатии Хуҷанд ба номи академик Бобоҷон Ғафуров, ки дар айни ҳол сохтмони он бомаром идома дорад, барои устодону кормандони донишгоҳ бунёди хонаи истиқоматӣ, кӯдакистон ва майдончаи варзишӣ низ дар назар дошта шудааст. Дар ин хусус ба АМИТ «Ховар» дар хадамоти матбуоти Раиси вилояти Суғд хабар доданд.
Роҳбарияти Донишгоҳи мазкур иброз доштанд, ки дар асоси дастуру ҳидоят ва раҳнамоиҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати баланд бардоштани мартабаи омўзгорон, аз ҷумла баҳри таъмини онҳо бо манзили зист тадбирҳои мушаххас андешида мешаванд.
«Таъмини кормандон бо хонаи истиқоматӣ масъалаи норасоии кадрҳои омўзгориро барҳам зада, баҳри ҷалби беҳтарин мутахассисон ба Донишгоҳ мусоидат менамояд»,- мегўянд онҳо.
Тавре қаблан АМИТ «Ховар» хабар дод, раёсати Донишгоҳи давлатии ҳуқуқ, бизнес ва сиёсати Тоҷикистон низ то ҷашни 35-солагии Истиқлоли давлатӣ сохтмони бинои истиқоматии баландошёнаро барои омӯзгорону кормандон ба нақша гирифтааст.
Бо бунёди бинои нави истиқоматӣ 95 нафар омӯзгорону кормандони ба манзили зист эҳтиёҷманди Донишгоҳи мазкур соҳиби хонаҳои замонавӣ мегарданд.
Ёдовар мешавем, ки ба сохтмони бинои мазкур 15 ноябри соли 2022 Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон санги асос гузоштанд.
Зимни муаррифии лоиҳа масъулини донишгоҳ ба Президенти мамлакат иттилоъ доданд, ки дар ошёнаи якуми бинои истиқоматии нуҳқабатаи сохташаванда Маркази савдо ва нуқтаҳои хизматрасонӣ ҷойгир карда шуда, дар саҳни бино дар масоҳати 860 метри мураббаъ истгоҳи нақлиёт, дар майдони 460 метри мураббаъ ҷойи истироҳату суҳбаткадаҳо ба истиқоматкунандагон ва майдончаи хурд барои машғул шудани кӯдакону наврасон ба варзишу тарбияи ҷисмонӣ дар назар дошта шудааст. Бино дар масоҳати муайяни заминҳои холии дар тавозуни донишгоҳ қарордошта сохта мешавад.
Рухсораи НУР,
АМИТ «Ховар»
АКС: Раёсати маорифи вилояти Суғд
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
