Дастоварди бузурги Донишгоҳи байналмилалии сайёҳӣ ва соҳибкории Тоҷикистон мақоми байналмилалӣ гирифтани он аст
ДУШАНБЕ, 09.02.2023 /АМИТ «Ховар»/. Яке аз дастовардҳои бузургу чашмраси ҳайати устодону донишҷӯёни Донишгоҳи байналмилалии сайёҳӣ ва соҳибкории Тоҷикистон дар соли 2022- ин бо иқдоми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба донишгоҳ табдил додани муассиса ва мақоми байналмилалӣ касб намудани он мебошад. Дар маҷмӯъ, соли 2022 барои устодону донишҷӯён соли бобарору хотирмон ва пур аз дастовардҳои назаррас дар самти таълим, таълими методӣ, илмӣ–инноватсионӣ, равобити байналмилалӣ ва ташкилӣ–тарбиявӣ буд. Чунин иброз дошт Ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода имрӯз дар нишасти матбуотӣ ба доираи хабарнигорон.
Мавсуф афзуд, ки соли гузашта бо Қарори Ҳукумати Ҷумҳурии Тоҷикистон Литсейи касбии саноату кимиёи шаҳри Левакант ва Литсейи касбии хизмати шаҳри Хуҷанд ба тавозуни донишгоҳ гузаронида шуданд. Ин имкон медиҳад, ки кадрҳои баландихтисос дар зинаҳои ибтидоӣ, миёна ва олии касбӣ омода карда шаванд.
Убайдулло Асрорзода иброз дошт, ки дар ин давра бо қарори Комиссияи Олии аттестатсионии назди Президенти Ҷумҳурии Тоҷикистон Шӯрои диссертатсионӣ аз рӯи ихтисосҳои «Иқтисодиёти соҳаи сайёҳӣ», «Иқтисодиёти соҳибкорӣ» ва Маркетинг» таъсис дода шуд.
Дар доираи ҳамкории донишгоҳ бо Кумитаи рушди сайёҳии назди Ҳукумати ҷумҳурӣ Маркази хизматрасониҳои иттилоотии сайёҳии шаҳри Душанбе ташкил гардида, бо тамоми таҷҳизоти муосири самти хизматрасонии сайёҳӣ муҷаҳаз гардид. Инчунин дар доираи таҳияи лоиҳаҳои грантӣ ва маблағҳои донишгоҳ заминаи моддию техникии донишгоҳ тақвият дода шуда, ба ҳар се нафар донишҷӯи таҳсили рӯзона 1 компютер рост омада, дар маҷмӯъ шумораи компютерҳои донишгоҳ ба 1104 адад расонида шуд.
Ректори муассисаи мазкур гуфт, ки ҷиҳати таҳкими забондониии омӯзгорону донишҷӯён дар донишгоҳ даврҳои ройгони омӯзиши забонҳои хориҷӣ ташкил карда шудаанд, ки дар онҳо 150 нафар омӯзгор ва қариб 500 донишҷӯ ба забономӯзӣ фаро гирифта шудаанд. Соли гузашта устодону донишҷӯёни донишгоҳ дар озмунҳои шаҳрӣ, сатҳи ҷумҳуриявӣ ва олимпиадаҳо фаъолона иштирок намуда, ҷойҳои намоёнро сазовор гардиданд, ки мояи ифтихори донишгоҳ мебошад.
Марзия САИДЗОДА,
АМИТ «Ховар»
АКС: АМИТ «Ховар»
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
