Филми «Дов»-и коргардони тоҷик дар ҷашнвораи 41-уми байналмилалии синамои «Фаҷр» муаррифӣ карда шуд
ДУШАНБЕ, 13.02.2023 /АМИТ «Ховар»/. Филми «Дов»-и коргардони тоҷик, ки дар Муассисаи давлатии «Суғдсинамо» ба номи Комил Ёрматов ва Муассисаи давлатии «Тоҷикфилм» таҳия шудааст, дар ҷашнвораи 41-уми байналмилалии синамои «Фаҷр» муаррифӣ карда шуд. Дар ин хусус ба АМИТ «Ховар» дар Сафорати Тоҷикистон дар Эрон иттилоъ доданд.
Бояд гуфт, ки аз 1 то 11 феврали соли равон дар Эрон ҷашнвораи 41-уми байналмилалии синамои «Фаҷр» баргузор карда шуд.
Коргардон Муҳиддини Музаффар филмро аз рӯи жанри драмаи иҷтимоӣ ба навор гирифтааст.
Филми «Дов» диққати тамошобинон ва меҳмонони ҷашнвораро ба худ ҷалб намуд. Муаллифи филмро барои иштирок ба ҷашнвораҳои Малайзия ва Москва, ки тобистони соли равон доир мешаванд, даъват намуданд.
Филми мазкур соли 2022 дар якчанд намоишҳои байналмилалӣ низ иштирок намуд. Инчунин дар аввалин синамоҷоизаи миллии Тоҷикистон иштирок карда, соҳиби ду ҷоиза- «Беҳтарин филм» ва «Беҳтарин нақши мардона» гардид.
АКС: Сафорати Тоҷикистон дар Эрон
Намоиши «Достони Сиёвуш» дар Москва ба саҳна гузошта шуд
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
