Мансур Мухтар: «Бонки исломии рушд раванди маблағгузориро ба лоиҳаҳои афзалиятнок дар Тоҷикистон идома медиҳад»
ДУШАНБЕ, 06.02.2023 /АМИТ «Ховар»/. Мақсади сафари ҳайати Бонки исломии рушд ба Тоҷикистон шиносоӣ бо татбиқи лоиҳаҳои дуҷонаба ва пешравиҳое, ки Ҳукумати Ҷумҳурии Тоҷикистон бо амалисозии онҳо ноил гардидааст, мебошад. Дар ин хусус имрӯз зимни брифинг пас аз мулоқот бо Президенти Ҷумҳурии Тоҷикистон муҳтарам Эмомалӣ Раҳмон Ноиби Президенти Гурӯҳи Бонки исломии рушд оид ба амалиёт доктор Мансур Мухтар иброз дошт, иттилоъ медиҳад хабарнигори АМИТ «Ховар».
Бино ба гуфтаи ӯ, тайи давраи ҳамкорӣ бо Тоҷикистон Бонки исломии рушд барои татбиқи 92 лоиҳаи ба миқдори зиёда аз 620 миллион доллар ҷудо кардааст. Ин лоиҳаҳо дар соҳаҳои маориф, тандурустӣ, энергетика, нақлиёт, обёрӣ ва дигар бахшҳои афзалиятноки иҷтимоиву иқтисодии Тоҷикистон амалӣ карда шудаанд.
«Соли равон Бонки исломии рушд барои татбиқи 4 лоиҳа 250 миллион доллари амрикоӣ пешнибӣ намудааст, ки он, пеш аз ҳама, барои амалишавии лоиҳаҳои муҳими Ҷумҳурии Тоҷикистон, аз ҷумла НБО «Роғун» равона мегарданд», — таъкид намуд Мансур Мухтар.
Тазаккур дода шуд, ки дар мулоқот ҷониби Тоҷикистон оид ба муҳимияти НБО «Роғун» ва нақши стратегии он барои Тоҷикистон ва минтақа маълумоти муфассал дод. Бори дигар Бонки исломии рушд омодагии худро барои маблағгузории лоиҳаҳои афзалиятнок дар Тоҷикистон иброз кард.
«Дар ин ҷода Бонки исломии рушд ҷиҳати ҷалби сармоя ба тарҳи НБО «Роғон» аз дигар ниҳодҳои ва ташкилотҳои молиявӣ корро ҷоннок хоҳад кард», — гуфт Мансур Мухтар.
Инчунин иттилоъ дода шуд, ки дар мулоқот масъалаҳои ҳамкорӣ дар самти таҳияву татбиқи Стратегияи шарикӣ байни Тоҷикистон ва Бонки исломии рушд, зарурати маблағгузории чорабиниҳои барқарорсозӣ пас аз буҳрони пандемия, коҳиш додани таъсири омилҳои беруна ба иқтисодиёти Тоҷикистон муҳокима гардиданд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар шаҳри Турсунзода вобаста ба тадбирҳои вусъат додани ҳисоббаробаркунии ғайринақдӣ машварати омӯзишӣ доир шуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Раиси Бонки миллии Тоҷикистон бо ҳайати Департаменти омори Хазинаи Байналмилалии Асъор дурнамои ҳамкориро баррасӣ намуд
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
ҚУРБИ АСЪОР: дар Тоҷикистон 1 рубли русӣ аз 0.1160 то 0.1170 сомонӣ муқаррар шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
