Намояндаи Тоҷикистон дар ҷаласаи шашуми вазирони кишоварзии Осиёи Марказӣ ба таври маҷозӣ иштирок намуд

ДУШАНБЕ, 16.02.2023 /АМИТ «Ховар»/. Вазири кишоварзии Ҷумҳурии Тоҷикистон дар ҷаласаи шашуми вазирони кишоварзии Осиёи Марказӣ оид ба «Маблағгузорӣ барои рушди устувори кишоварзӣ ва истеҳсоли маҳсулот дар Осиёи Марказӣ» ба таври маҷозӣ иштирок ва суханронӣ намуд, иттилоъ доданд ба АМИТ «Ховар» дар маркази матбуоти Вазорати кишоварзии мамлакат.

Вазири кишоварзии Ҷумҳурии Тоҷикистон Қурбон Ҳакимзода дар ҷараёни ҷаласа оид ба имконоти истеҳсоливу содиротии маҳсулоти кишоварзии Тоҷикистон, ба роҳ мондани ҳамкорӣ ва масъалаҳои марбут ба тағйирёбии иқлим ибрози андеша намуд.

Ҳадаф аз баргузории ҷаласаи мазкур пешбурди кор дар самти сармоягузорӣ ба рушди соҳаи кишоварзӣ, мубодилаи таҷрибаи пешқадами мамлакатҳо, истифодаи самараноки замину об ва истеҳсоли зиёди маҳсулот, пешгирии тағйирёбии иқлим, ба он мувофиқ намудани зироат ва ҳавасмандгардонии истеҳсолкунандагони маҳсулоти кишоварзӣ мебошад.

АКС: Вазорати кишоварзии ҶТ