НИШАСТИ МАТБУОТӢ. Дар шаҳри Кӯлоб 7 корхонаи саноатӣ бо таъсиси 73 ҷойи нави кор ба истифода дода шуданд

Февраль 8, 2023 08:41

ДУШАНБЕ, 08.02.2023. /АМИТ «Ховар»/. Дар доираи Солҳои рушди саноат эълон гардидани солҳои 2022-2026 ва дар натиҷаи чораҳои амалигардида то 1 январи соли 2023 дар шаҳри Кўлоб 7 корхонаи саноатӣ, аз ҷумла ҶДММ «Махсус» ва ҶДММ «Мелиоратор»- корхонаҳои коркарди сангу шағал, ҶДММ «Мадазим»- корхонаи истеҳсоли маҳсулот аз филизот, ҶДММ «Оби навруша»- истеҳсоли сафолаку хишти сементӣ, ҶДММ «Марямбибӣ»- истеҳсоли хишти сементӣ, ҶДММ «Истеҳсоли гӯшти мурғи Кӯлоб» ва ҶДММ «Тоҷик Алмос» — истеҳсоли филтрҳои равғанӣ ва ҳавоӣ барои мошинҳо ба истифода дода шуданд. Дар ин замина 73 ҷойи нави кор таъсис ёфт, иброз дошт Раиси шаҳри Кӯлоб Бахтиёр Назарзода 7 феврал зимни нишасти матбуотӣ ба хабарнигорон.

Ҳамчунин гуфта шуд, ки дар ҶДММ «Комбинати хонасозӣ»-и шаҳри Кӯлоб 3 коргоҳи нав барои истеҳсоли сафолак, хишти сабук ва сангҳои ороишӣ, дар ҶДММ «Сувайба-2014» коргоҳи парвариши мурғи гӯштӣ, дар ҶДММ «Хуршед-Н» коргоҳи истеҳсоли сангу шағал мавриби баҳрабардорӣ қарор гирифтанд.

Ба хабарнигорон иттилоъ дода шуд, ки соли 2022 нақшаи андозҳои давлатӣ дар шаҳри Кӯлоб 116 фоиз иҷро ва ба буҷет 127,3 миллион сомонӣ маблағ ворид карда шуд, ки нисбат ба нақша 17,7 миллион сомонӣ зиёд мебошад. Соли гузашта ҳаҷми умумии истеҳсоли маҳсулоти кишоварзӣ дар ҳамаи бахшҳои хоҷагидорӣ ба 810,0 млн сомонӣ расонида шуд, ки нисбат ба соли гузашта 32,1 млн сомонӣ зиёд буда, суръати афзоиш 104,1 фоизро ташкил дод.

«Дар соли сипаришуда ба соҳаи маориф барои фаъолияти самаранок аз маблағҳои қисми хароҷоти буҷети маҳаллӣ 94,9 миллион сомонӣ равона гардид»,- баён шуд дар нишаст.

АКС аз бойгонӣ

Февраль 8, 2023 08:41

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон дар шаҳри Истиқлол коргоҳи нонпазию қаннодиро ифтитоҳ намуда, аз намоиши маҳсулоти онҳо боздид карданд
Оғози сафари кории Пешвои миллат Эмомалӣ Раҳмон дар шаҳри Истиқлол ва гузоштани санги асоси марҳилаи дуюми Корхонаи металлургии истеҳсоли сурб, нуқра ва мис
Президенти Ҷумҳурии Тоҷикистон Эмомалӣ Раҳмон дар шаҳри Гулистон ба фаъолияти корхонаи парандапарварии «Мурғи бебаҳо» оғоз бахшиданд
«JAC-МОТОРС». Дар шаҳри Душанбе намояндагии ин ширкати истеҳсоли автомобил ифтитоҳ ёфт
Тоҷикистон ва Узбекистон омодагии худро ба татбиқи барномаҳои муштарак дар соҳаи навоварӣ ва зеҳни сунъӣ иброз доштанд
Тоҷикистон ва Чин дар доираи ташаббуси «Камарбанд ва роҳ» ва муколамаи «Осиёи Марказӣ-Чин» ҳамкориро тақвият мебахшанд
БАХШИДА БА СОЛҲОИ РУШДИ САНОАТ. Соли гузашта дар Хоруғ 11 корхонаву коргоҳи саноатӣ ба истифода дода шудааст
Коргоҳи коркарди асал дар ноҳияи Ҳамадонӣ ба фаъолият оғоз кард
«МУШКИЛОТИ ГЕОЛОГӢ ВА САРВАТҲОИ ЗЕРИЗАМИНӢ». Таҳти ин мавзӯъ дар Донишгоҳи миллии Тоҷикистон конференсияи ҷумҳуриявии илмию амалӣ баргузор гардид
Намояндагони ширкати «GAZ Group»-и Русия аз корхонаҳои саноатии шаҳри Бӯстон боздид намуданд
Соли гузашта дар ноҳияи Ҷалолуддини Балхӣ 6 корхонаи нав ба истифода дода шуданд
Дар корхонаҳои соҳаи саноати маъданҳои кӯҳии Тоҷикистон ба маблағи 12,5 миллиард сомонӣ маҳсулот истеҳсол карда шуд