НИШАСТИ МАТБУОТӢ. Дар татбиқи 32 лоиҳа дар шаҳри Роғун саҳми соҳибкорону саховатпешагон 14,6 миллион сомониро ташкил медиҳад
РОҒУН, 09.01.2023. /АМИТ «Ховар»/. Дар асоси Барномаи рушди иҷтимоию иқтисодии шаҳри Роғун барои солҳои 2021-2025 татбиқи 88 лоиҳаи рушди хоҷагии халқ ба маблағи 204,8 миллион сомонӣ ба нақша гирифта шудааст. Давоми соли 2022 дар доираи 32 лоиҳа ба маблағи 20,7 миллион сомонӣ корҳо ба анҷом расиданд, ки 14,6 миллион сомонии он саҳми соҳибкорону саховатпешагон мебошад. Дар ин бора зимни нишасти матбуотӣ Раиси шаҳри Роғун Сунъатулло САИДЗОДА иттилоъ дод.
Гуфта шуд, ки дар айни замон дар 8 лоиҳаи дигар, аз қабили бинои хариду фурӯши нақлиёт ва таъмири онҳо, бинои меҳмонхонаю ошхона дар шафати роҳи байналмилалии Душанбе-Рашт, бинои меҳмонхона, осоишгоҳу ошхона дар шаҳраки Оби гарм, бинои муассисаи таълимии рақами 11, бинои иловагии муассисаи таълимии рақами 19 иборат аз 10 синфхона, бинои хобгоҳи Хонаи бачаҳо дар шаҳраки Оби гарм, бинои маъмурии Прократураи шаҳр ва роҳи 11-километраи даромади шаҳр корҳои сохтмонӣ идома доранд.
Мақомоти иҷроияи ҳокимияти давлатии шаҳри Роғун ҷиҳати дар сатҳи баланд пешвоз гирифтани ҷашни 35-солагии Истиқлоли давлатии Ҷумҳурии Тоҷикистон нақшаи чорабиниҳо таҳия намудааст, ки иборат аз 105 иншооти гуногун мебошад. Хушбахтона, то имрӯз 7 иншооти гуногун мавриди баҳрабардорӣ қарор гирифта, корҳои сохтмонӣ дар қисми зиёди онҳо идома доранд.
Иншооте, ки бахшида ба ин ҷашни фархунда сохта мешаванд, аз муассисаҳои таълимӣ, марказҳои саломатию бунгоҳҳои тиббӣ, гулгаштҳо, коргоҳи дӯзандагӣ, марказҳои сайёҳӣ, дорухона ва дигар намуди иншооти хизматрасонӣ иборат мебошанд.
Мардуми шаҳри Роғун дар якҷоягӣ бо соҳибкорон зиёда аз 78 иншоот бунёд намуда, дар ободонии диёри хеш саҳми арзанда гузошта истодаанд.
Субҳониддини МАҲМУД,
АМИТ «Ховар»
АКС: АМИТ «Ховар»
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
