НИШАСТИ МАТБУОТӢ. Маркази тадқиқоти стратегии Тоҷикистон бо 50 маркази тадқиқотии давлатҳои хориҷӣ ҳамкорӣ мекунад
ДУШАНБЕ, 08.02.2023. /АМИТ «Ховар»/. Маркази тадқиқоти стратегии назди Президенти Ҷумҳурии Тоҷикистон соли сипаригардида бо 6 маркази илмӣ-тадқиқотии давлатҳои хориҷӣ ҳамкорӣ ба роҳ монд, ки дар маҷмӯъ шумораи онҳо ба 50 адад расид. Дар ин хусус имрӯз зимни нишасти матбуотии Маркази тадқиқоти стратегӣ ба хабарнигорон иттилоъ дода шуд.
Таъкид гардид, ки соли равон Маркази тадқиқоти стратегии мамлакат бо марказҳои тадқиқотии Туркманистон, Эрон, Узбекистон, Беларус, Арабистони Саудӣ ва Малайзия шарномаҳои Ёддошти тафоҳум ба имзо расонид.
Маркази тадқиқоти стратегӣ аъзои Маркази таҳлилии Созмони Аҳдномаи амнияти дастҷамъӣ, Форуми Созмони ҳамкории Шанхай, Маркази Созмони Милали Муттаҳид оид ба дипломатияи боздоранда дар Ашқобод ва яке аз муассисони Академияи Созмони амният ва ҳамкорӣ дар Аврупо дар шаҳри Бишкек мебошад.
Соли сипаригардида таҳлилгарон дар 28 конфронсу форумҳои сатҳи байналмилалӣ иштирок ва суханронӣ карданд.
Тазаккур дода шуд, ки рӯзҳои наздик ба имзо расидани Ёддошти тафоҳум бо маркази тадқиқотии Ҷумҳурии Қазоқистон дар назар аст. Яке аз бандҳои тафоҳум табодули коршиносон байни ду Марказ мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
