НИШАСТИ МАТБУОТӢ. ҶСК «Шабакаҳои тақсимоти барқ» омили асосии зиёд шудани талафоти барқро номбар намуд
ДУШАНБЕ, 14.02.2023. /АМИТ «Ховар»/. Сабаби зиёд шудани талафоти неруи барқ дар солҳои 2021-2022 дар он аст, ки қаблан барои сабти нишондиҳандаҳои ҳисобкунакҳои барқӣ ва ҳисоби масрафи неруи барқ муҳлати муайян муқарар карда нашуда, дар натиҷаи дар муҳлати дуру дароз сабт ва ҳисобӣ намудани ҳаҷми барқи сарфшуда марзи давраи ҳисоботӣ гум мешуд. Ин ҳолат боиси нодуруст ба иҷро расидани ҳисоби масрафи неруи барқ ва талафот гардида, дақиқ муайян намудани нишондиҳандаҳои мазкур ғайриимкон мегардид. Дар ин хусус 13 феврал зимни нишасти матбуотии ҶСК «Барқи тоҷик» иттилоъ дода шуд.
Таъкид гардид, ки шурӯъ аз ҷамъбасти моҳи январи соли 2021 барои ҳисоби масрафи барқ ва бақайдгирии нишондиҳандаҳои ҳисобкунакҳои барқӣ 120 соат муайян карда шуда, баъди гузаштани ин муҳлат ворид намудани маълумот ба барномаи биллингӣ манъ карда шуд.
Бинобар сабаби то ҳол дар истифода қарор доштани шумораи зиёди ҳисобкунакҳои кӯҳнашудаи индуксионӣ, дар деҳаҳои дурдаст воқеъ будани муштариён ва дар барномаи биллингӣ ворид кардани муштариёни вуҷуднадошта соли 2022 ба ҳисоби миёна 7,9 фоиз ё 130 652 муштарӣ гардиш нашудааст.
Ба гуфтаи масъулин, таҳлили барномаи биллингӣ нишон дод, ки дар солҳои қаблӣ ба муштариёни аҳолӣ ҳаҷми зиёди неруи барқ ҳамчун истифодашуда нишон дода шудааст, ки ин ба воқеият умуман наздик нест. Инчунин барои паст нишон додани нишондиҳандаи талафоти неруи барқ муштарии вуҷуднадоштаро ба барнома ворид мекардаанд, ки аз ин барнома баровардани онҳо барои ҶСК «Шабакаҳои тақсимоти барқ» то ҳанӯз мушкилӣ эҷод намуда истодааст.
Шаҳлои САДРИДДИН,
АМИТ «Ховар»
АКС: АМИТ «Ховар»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
