НИШАСТИ МАТБУОТӢ. Соли 2022 дар Тоҷикистон 124 муассисаи тандурустӣ бунёд карда шуд
ДУШАНБЕ, 12.02.2023 /АМИТ «Ховар»/. Дар Тоҷикистон соли 2022 124 муассисаи тандурустӣ бунёд карда шуд, ки инҳо 101 муассисаи КАТС, 16 муассисаи госпиталӣ ва 7 муассисаи хусусӣ буда, дар 65 муассисаи тандурустӣ (51 муассисаи КАТС, 11 муассисаи госпиталӣ ва 3 муассисаи хусусӣ) корҳои сохтмонӣ идома доранд.
Дар ин хусус 10 феврал зимни нишасти матбуотӣ оид ба ҷамъбасти соли 2022 Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иттилоъ дод.
Гуфта шуд, ки барои пурра таъмин намудани муассисаҳои тандурустии мамлкат бо кумаки аввалин соли сипаригардида 115 нақлиёти ёрии таъҷилӣ ба муассисаҳои тиббии ҷумҳурӣ, аз ҷумла 6 адад ба Вилояти Мухтори Кӯҳистони Бадахшон, 50 адад ба вилояти Хатлон, 28 адад ба вилояти Суғд, 12 адад ба шаҳру ноҳияҳои тобеи ҷумҳурӣ, 16 адад ба шаҳри Душанбе ва 2 адад ба муассисаҳои тиббии ҷумҳуриявӣ дастрас карда шуданд.
Дар ҷараёни нишаст иттилоъ дода шуд, ки теъдоди умумии табибон ва кормандони миёнаи тиббӣ дар ҷумҳурӣ мутаносибан 21 170 ва 61 383 нафарро ташкил медиҳад, ки ин нишондиҳанда нисбат ба соли 2021 1,8 ва 1,7 фоиз зиёд мебошад.
Ҳамчунин гуфта шуд, ки дар муассисаҳои илмию таълимии вазорат дар маҷмӯъ 13 232 нафар кормандони соҳаи тандурустии ҷумҳурӣ ба таҳсили баъдидипломӣ фаро гирифта шуданд, ки нисбат ба соли 2021 10,7 фоиз зиёд мебошад. Дар соли сипаригардида 316 нафар мутахассисон даврҳои бозомӯзиро дар муассисаҳои таълимии хориҷи мамлакат гузаштанд, ки нисбат ба соли гузашта 3 баробар зиёд мебошад.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
