Раисони кумитаҳои иҷроияи Ҳизби Халқии Демократии Тоҷикистон аз шаҳри Ҳисор боздид намуданд
ДУШАНБЕ, 25.02.2023 /АМИТ «Ховар»/. Дар доираи Барномаи давраҳои бозомӯзӣ барои раисони кумитаҳои иҷроияи Ҳизби Халқии Демократии Тоҷикистон /ҲХДТ/ дар вилоятҳо ва шаҳру ноҳияҳои ҷумҳурӣ ҳайати бонуфузи ҳизбиёни мамлакат ба шаҳри Ҳисор рафта, аз Ҷамъияти саҳомии кушодаи «Агротехсервис» дидан намуда, дар коргоҳҳои корхона бо хатҳои технологии он шинос шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Ҳисор иттилоъ доданд.
Роҳбари корхона аз таърихи корхона, ки бо ташаббуси бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи ҳамкорӣ бо Ҷумҳурии Беларус роҳандозӣ шуда, соли 2018 бо иштироки Сарони давлатҳои Тоҷикистон ва Беларус муҳтарам Эмомалӣ ва Александр Лукашенко мавриди истифода қарор гирифт, ёдовар шуда, оид ба иқтидори он, ҳамкорӣ бо корхонаҳои саноатии давлатҳои пешрафтаи минтақа ва ҷаҳон маълумот дод.
Меҳмонон инчунин аз Мамнуъгоҳи таърихӣ-фарҳангии Ҳисор боздид намуда, бо Қалъаи Ҳисор, Амфитеатр, Қасри ҳоким, мадрасаҳои наву кӯҳна ва дар осорхонаи он бо бозёфтҳои нодири таърихӣ шинос гардиданд.
Дар ҷамъомаде, ки дар боғи зимистонаи «Шаршара» доир гардид, роҳбарияти шаҳри Ҳисор таъкид намуд, ки баргузории давраи бозомӯзӣ барои раисони кумитаҳои иҷроияи ҲХДТ ба густариши фаъолияти ҳизб, ташвиқу тарғиби дастовардҳои рӯзафзуни мамлакат, ба мардум расонидани ҳадафҳои созандаи давлату Ҳукумат дар марҳилаи рушди навини ҷумҳурӣ, рӯйдодҳои ҷаҳонишавӣ ва таҳаввулоти сиёсии ҷаҳон ва беҳбуди ҳаёти иҷтимоӣ, сиёсӣ ва фарҳангӣ мусоидат менамояд.
Тазаккур дода шуд, ки дар маркази шаҳри Ҳисор соли 2022 ба сохтмони бинои маъмурии Кумитаи иҷроияи ҲХДТ санги асос гузошта шуд. Инчунин бо мақсади ҳамраъйӣ ба иқдоми шоистаи роҳбарияти ҳизб мақомоти иҷроияи ҳокимияти давлатии шаҳр барои бо хоҷагии ёрирасон таъмин намудани Кумитаи иҷроияи шаҳрии ҳизб тадбирҳои судманд меандешад. Бо ин мақсад то ҷашни Наврӯзи байналмилалӣ 1,5 гектар замини кишоварзӣ ҷудо карда мешавад.
АКС: Мақомоти иҷроияи ҳокимияти давлатии шаҳри Ҳисор
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
