РАВАНДИ ОБИ ДУШАНБЕ. Дар Кейптаун Конфронси «Дигаргунсозии оянда барои амнияти об» баргузор гардид
ДУШАНБЕ, 23.02.2023 /АМИТ «Ховар»/. Муколамаҳои бисёрҷониба байни доираҳои сиёсӣ, тиҷоратӣ, академӣ ва дигар ҷонибҳои манфиатдор барои ташкили иттиҳод ва татбиқи амалҳои аз ҷиҳати илмӣ асоснокшуда дар доираи чорабинӣ дар Кейптаун (Ҷумҳурии Африқои Ҷанубӣ) баргузор шуданд. Дар ин хусус ба АМИТ «Ховар» дар котиботи конфронси СММ оид ба захираҳои об дар соли 2023 иттилоъ доданд.
Дар ҷараёни муколамаҳо 6-7 вазифа пешниҳод карда шуд, ки якчанд ҳадафҳои тағйирёбандаро барои амалҳои аз ҷиҳати илмӣ асоснок оид ба бехатарии об муқаррар мекунанд. Чорабинӣ ба Конфронси СММ оид ба захираҳои об бахшида шудааст, ки 22-24 марти соли равон дар Ню Йорк таҳти раёсати Тоҷикистон ва Нидерланд баргузор мешавад.
Дар ифтитоҳи ҷаласаи умумӣ намояндаи Ҷумҳурии Тоҷикистон дар Кумитаи иҷроияи Фонди Байналмилалии наҷоти Арал, узви гурӯҳи корӣ оид ба омодагӣ ба Конфронси СММ оид ба захираҳои обии соли 2023 Саноӣ Бойзода суханронӣ намуда, ба иштирокчиён ҷиҳати корҳои анҷомдода дар ҷараёни омодагӣ ба Конфронси СММ оид ба захираҳои об маълумот дод.
Лайло ТОИРӢ,
Азиза ДАДАБОЕВА,
АМИТ «Ховар»
АКС: котиботи Конфронси СММ оид ба захираҳои обии Тоҷикистон дар соли 2023
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
Ба бузургдошти Робиаи Балхӣ ва Ҳофизи Шерозӣ дар Вена ҳамоиш доир гардид
Дар Душанбе дурнамои муносибатҳои Тоҷикистон ва Италия баррасӣ гардид
Сафири Тоҷикистон бо роҳбари ширкати аморотии Tahaluf AI мулоқот намуд
Намояндаи Тоҷикистон дар ҷаласаи 6-уми Форуми раисони шаҳрҳои Комиссияи иқтисодии СММ барои Аврупо иштирок намуд
Ҳамкории Тоҷикистон бо ширкати LANXESS Олмон баррасӣ гардид
Сафири Тоҷикистон бо раиси иҷроии Муассисаи ташаббуси сармоягузории оянда мулоқот намуд
Дурнамои муносибатҳои дуҷонибаи Тоҷикистону Умон баррасӣ гардид
Тоҷикистон ва Австрия машваратҳои сиёсӣ баргузор намуданд
