Роҳбарияти Донишгоҳи байналмилалии сайёҳӣ ва соҳибкорӣ бо шароити хизмат дар қисми низомии Қӯшунҳои сарҳадӣ дар Душанбе шинос шуданд
ДУШАНБЕ, 23.02.2023 /АМИТ «Ховар»/. Таъсиси Қувваҳои Мусаллаҳи Ҷумҳурии Тоҷикистон яке аз дастовардҳои бузурги даврони соҳибистиқлолии Тоҷикистон мебошад. Ин нукта дар мулоқоти роҳбарияти Донишгоҳи байналмилалии сайёҳӣ ва соҳибкории Тоҷикистон бо афсарону сарбозони қисми низомии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар шаҳри Душанбе таъкид гардид.
Тавре АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, мулоқот ба ифтихори 30-солагии таъсиси Қувваҳои Мусаллаҳи Ҷумҳурии Тоҷикистон баргузор гардид.
Роҳбарияти донишгоҳ бо шароиту имконияти хизмат дар ин қисми низомӣ шинос гардида, ба пойгоҳи он ва шароити зисти сарбозон баҳои баланд доданд. Ҳайати сарбозону афсарони ин қисми низомӣ вазифаҳои муқаддасу пуршарафи худро, ки ба ҳифзи марзу бум, амнияту оромии давлат ва ҷомеа, пойдории аркони давлатдорӣ ва таъмини зиндагии осоиштаи мардум нигаронида шудаанд, сарбаландона иҷро карда истодаанд.
Таъкид шуд, ки шароити фароҳамсохтаи Ҳукумати ҷумҳурӣ барои соҳаи мудофиавии мамлакат ҳар афсару сарбози ин ниҳоди қудратиро водор месозад, ки зиракии сиёсиро аз даст надода, бо ҳисси баланди худшиносиву худогоҳии миллӣ ба Модар-Ватан хизмати содиқона анҷом диҳанд.
Дар анҷом кумакҳои моддии раёсати донишгоҳ ба сарбозону афсарон тақдим гардида, барои хизматчиёни ин қисми низомӣ дастархони идона ороста шуд.
АКС: Донишгоҳи байналмилалии сайёҳӣ ва соҳибкории Тоҷикистон
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
