Роҳбарияти Донишгоҳи техникии Тоҷикистон ба номи академик М.С. Осимӣ ва Вазорати нақлиёт масъалаи ҳамкориро баррасӣ карданд
ДУШАНБЕ, 14.02.2023. /АМИТ «Ховар»/. Тайёр намудани мутахассисони сатҳи баланд, таҳияи санадҳои меъёрӣ, амалӣ намудани корҳои илмӣ – тадқиқотии омӯзгорони кафедраҳои тахассусӣ ва бо дастгирии Вазорати нақлиёти Ҷумҳурии Тоҷикистон иштироки фаъолона дар татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» аз ҷумлаи масъалаҳое буданд, ки дар Донишгоҳи техникии Тоҷикистон ба номи академик М.С. Осимӣ баррасӣ гардиданд.
Имрўз Вазири нақлиёти Ҷумҳурии Тоҷикистон Азим Иброҳим ба факултети нақлиёт ва инфрасохтори роҳҳои Донишгоҳи техникии Тоҷикистон омада, бо базаи моддию техникии кафедраҳои тахассусии он аз наздик шинос гардид.
Вазири нақлиёти Тоҷикистон бо роҳбарият, омўзгорон ва донишҷўёни ин муассисаи таълимӣ суҳбат намуда, таъкид кард, ки тайёр намудани мутахассисони соҳаи роҳу нақлиёт, ки ба талаботи стандартҳои ҷаҳонӣ ҷавобгў бошанд, тақозои замон буда, махсусан дар рушди нақлиёти барқӣ дар мамлакат нақши онҳо муҳим мебошад.
Ёдовар мешавем, ки таҳияи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» аз Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат сарчашма мегирад. Барнома аз 9 боб иборат буда, ҳадафи асосии он- фароҳам овардани самти нави рушди иқтисодӣ дар заминаи ташаккули саноати мошинсозӣ- истеҳсоли нақлиёти барқӣ, муҳайё намудани шароити мусоид барои зиёд кардани нақлиёти барқии истифодашаванда, васеъ намудани инфрасохтори нақлиёти барқӣ ва кам кардани таъсири манфӣ ба муҳити зист мебошад.
АКС: Донишгоҳи техникии Тоҷикистон ба номи академик М.С. Осимӣ
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
