Робитаҳои байналмилалии Хадамоти назорати давлатии бехатарии корҳо дар саноат ва соҳаи кӯҳкорӣ тақвият меёбанд
ДУШАНБЕ, 02.02.2023 /АМИТ «Ховар»/. Соли 2022 ду нафар кормандони Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон дар ҷаласаи 12-уми конфронси тарафҳои комиссияи иқтисодии Созмони Милали Муттаҳид оид ба Аврупо дар бораи таъсири фаромарзии садамаҳои саноатӣ, ки дар шаҳри Женеваи Швейтсария баргузор гардид, иштирок намуданд. Чунин иброз дошт Сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон Санъат Раҳим дар нишасти матбуотӣ ба хабарнигорон.
Мавсуф афзуд, ки робитаҳои байналмилалии Хадамоти назорати давлатии бехатарии корҳо дар саноат ва соҳаи кӯҳкорӣ тайи солҳои тӯлонӣ бо ширкатҳои байналмилалӣ ва давлатҳои пешрафта, аз ҷумла бо Олмон хуб ба роҳ монда шудаанд.
«Мо даврҳои омӯзишиеро, ки барои баланд бардоштани малакаи кормандони Хадамот гузаронида мешуданд, бинобар сабаби пандемия ба тариқи онлайнӣ гузаронидем», — гуфт ӯ.
Ҳамзамон мавсуф тазаккур дод, ки дар доираи Иттиҳоди Давлатҳои Мустақил як омӯзиши васеъ бо иштироки ҳашт давлат оид ба бехатарии саноатӣ сурат гирифт, ки дар он масъалаҳои гуногун вобаста ба самти кӯҳкориву саноатӣ баррасӣ шуданд.
Хадамоти назорати давлатии бехатарии корҳо дар саноат ва соҳаи кӯҳкорӣ солҳои минбаъда низ кӯшиш ба харҷ медиҳад, то барои ривоҷ додани муносибатҳои байналмилалӣ ва омӯзиши кормандон бо давлатҳои ҳамсоя ва хориҷи мамлакат робитаҳои ҳамкорӣ ба роҳ монад.
София ШОИК,
АМИТ «Ховар»
АКС: АМИТ «Ховар»
Муовини Сарвазири Тоҷикистон дар ноҳияи Мастчоҳ бо ҳолати заминҳои кишоварзӣ ва вазъи обрасонӣ шинос шуд
Дар ноҳияи Ҷаббор Расулов 9 анбор барои захираи пиёз фаъолият доранд
Байни Тоҷикистон ва Корея оид ба рушди соҳаи геология Ёддошти тафоҳум ба имзо расид
Душанбе мизбони Шурои байниҳукуматии Лоиҳаи минтақавии «CASA-1000» мегардад
Аз вилояти Хатлон беш аз 200 тонна маҳсулоти кишоварзӣ содирот гардид
«INFOCM 2025». Намояндагони Тоҷикистон дар Форуми байналмилалӣ оид ба минералҳои муҳим иштирок доранд
«Тамғаи писандидаи Тоҷикистон-2025». Дар Душанбе намоиш-фурӯши молу маҳсулоти ватанӣ баргузор мегардад
Дар Хуҷанд Намоишгоҳи байналмилалии савдо «Суғд-2025» доир мегардад
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
