Зиёда аз 400 нафар ҷавонон аз қисми низомии Вазорати мудофиа, воқеъ дар шаҳри Турсунзода дидан намуданд
ШАҲРИНАВ, 21.02.2023 /АМИТ «Ховар»/. Бо ташаббуси Мақомоти иҷроияи ҳокимияти давлатии ноҳияи Шаҳринав бахшида ба 30-солагии таъсиси Қувваҳои Мусаллаҳи Ҷумҳурии Тоҷикистон дар қисми низомии Вазорати мудофиаи Ҷумҳурии Тоҷикистон, воқеъ дар шаҳри Турсунзода бо иштироки зиёда аз 400 нафар ҷавонони синни тодаъватӣ Рӯзи дарҳои кушод гузаронида шуд, иттилоъ медиҳад мухбири минтақавии АМИТ «Ховар» Субҳониддини Маҳмуд.
Ҳамоиши мазкур ба хотири баланд гардонидани ҳисси ватандӯстии ҷавонон, омода намудани онҳо ба хизмати Модар-Ватан, шиносоии ҷавонони синни тодаъватӣ бо шароити будубоши хизматчиёни ҳарбӣ ва сарбозону афсарони қисми низомӣ ба роҳ монда шуд.
Зимни он зиёда аз 400 нафар ҷавонони синни тодаъватӣ аз ошхонаву ҷои хоб ва майдони машқи сарбозон дидан намуданд. Ҳамзамон онҳо бо техникаҳои муосири ҷангӣ, яроқу аслиҳаҳои мавҷудаи қисми низомӣ шинос шуданд.
Муовини якуми командири қисми низомии Вазорати мудофиаи Ҷумҳурии Тоҷикистон иброз намуд, ки имрӯзҳо дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон тарбияи ватандӯстии ҷавонону наврасон хуб ба роҳ монда шудааст. Бо дастгирии раисони шаҳру навоҳии мамлакат ҷавонони синни даъватӣ ба қисмҳои низомии дар шаҳру ноҳияҳобуда сафар намуда, аз шароити зиндагии сарбозон бохабар мегарданд ва мактаби далерию шуҷоату мардонагиро аз наздик мебинанд.
Ҷавонони ноҳияи Шаҳринав бо як ҷаҳон таассуроти хуб аз ин қисми низомӣ дидан намуданд.
Аз мушоҳидаҳо бармеояд, ки қисми зиёди онҳо дар оянда ба сафи Артиши миллӣ шомил гардида, дар ин мактаби мардонагӣ обутоб меёбанд.
АКС: Мақомоти иҷроияи ҳокимияти давлатии ноҳияи Шаҳринав
Бо мақсади тақвияти рушди содирот ба бозори ҷаҳонӣ бо хоҷагидорони ноҳияи Ҷайҳун вохӯрӣ доир шуд
ДАРАХТ БИНШОН! Дар Ишкошим 300 бех ниҳоли гуногуни мевадиҳанда шинонида шуд
Дар шаҳри Бӯстон бо сокинони маҳаллаи «Ғалаба» мулоқоти судманд баргузор гардид
Ба воҳидҳои Кумитаи ҳолатҳои фавқулода ва мудофиаи граждании Тоҷикистон техникаи нав супорида шуд
Имрӯз дар Тоҷикистон ҳавои абрнок пешгӯӣ мешавад
Дар Донишгоҳи давлатии ҳуқуқ, бизнес ва сиёсати Тоҷикистон доир ба ҳифзи арзишҳои миллӣ ҳамоиш доир шуд
Дар Вашингтон дар назди мактаб тирпаронӣ ба амал омад
Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
Ҳамкории байналмилалии Донишгоҳи технологии Тоҷикистон бо шарикон тақвият меёбад
Дар Кения шумораи бар асари бориши зиёд ҳалокшудагон аз 200 нафар гузашт
Маркази тадқиқоти стратегии Тоҷикистон ҳамкориро бо Пажуҳишгоҳи нидерландии «Клингендаел» тавсеа мебахшад
Имрӯз дар Тоҷикистон ҳавои тағйирёбандаи бебориш пешгӯӣ мешавад
