ҶАҲОНИШАВИИ ҲИФЗИ ПИРЯХҲО. Доир ба саҳми Пешвои миллат дар пешниҳоди ташаббусҳои глобалӣ дар Донишгоҳи техникии Тоҷикистон ҳамоиш баргузор гардид
ДУШАНБЕ, 30.03.2023 /АМИТ «Ховар»/. Бахшида ба эълон гардидани соли 2025 — Соли байналмилалии ҳифзи пиряхҳо ва 21 март Рӯзи байналмилалии ҳифзи пиряхҳо 29 март дар Донишгоҳи техникии Тоҷикистон ба номи академик М.С. Осимӣ таҳти унвони «Саҳми Пешвои миллат дар иқдоми ҷаҳонишавии ҳифзи пиряхҳо» ҳамоиши илмӣ-назариявӣ доир шуд, хабар медиҳад АМИТ «Ховар».
Иштирокдорон иброз доштанд, ки ташаббуси навбатии Президенти Ҷумҳурии Тоҷикистон дар мавриди Соли ҳифзи пиряхҳо эълон намудани соли 2025, ки моҳи декабри соли 2022 аз ҷониби Маҷмаи Умумии Созмони Милали Муттаҳид дастгирӣ ёфт, саривақтиву муҳим ба ҳисоб меравад. Ин иқдом ҷомеаи ҷаҳониро водор месозад, ки ҳарчи зиёдтар талошу кӯшишҳои худро ба ҳалли мушкилоти марбут ба об равона созад.
Воқеан, қарорҳои Созмони Милали Муттаҳидро дар заминаи ибтикорот ва пешниҳодоти Тоҷикистон ва бо ташаббуси Пешвои миллат муҳтарам Эмомалӣ Раҳмон, ки аз ҷониби Маҷмаи Умумии Созмони Милали Муттаҳид қабул шудаанд, аз ҷумла эълон гардидани соли 2003 «Соли оби тоза», солҳои 2005-2015 «Даҳсолаи об барои ҳаёт», соли 2013 «Соли ҳамкорӣ дар соҳаи об», 21 декабри соли 2016 қабул намудани Қатънома оид ба Даҳсолаи байналмилалии амал «Об барои рушди устувор», солҳои 2018-2028 дар раванди ҳалли мушкилоти марбут ба об муҳим мебошанд.
Гуфта шуд, ки имрӯз захираҳои об зери таъсири хатарҳои гуногун қарор доранд, ки ба тамоми соҳаҳои ҳаёти мардум, бахусус амнияти озуқаворӣ, тавлиди неруи сабз ва пойдории табиат таъсир мегузоранд.
Дар ин радиф тағйирёбии иқлим низ ҳамчун омили таъсиррасон ба захираҳои оби ошомиданӣ дар меҳвари таваҷҷуҳ қарор дорад. Обшавии босуръати пиряхҳо намунаи возеҳи ин зуҳурот мебошад. Ҷумҳурии мо зиёда аз ду даҳсолаи охир ҷиҳати пешбурди рӯзномаи ҷаҳонии об талошҳои зиёд ба харҷ дода, дар ин раванд саҳми муносиб дорад.
АКС: Донишгоҳи техникии Тоҷикистон
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
