Ҳайати Тоҷикистон дар Анҷумани тиҷоратии Бонки ҷаҳонӣ иштирок намуд

ДУШАНБЕ, 07.03.2023. /АМИТ «Ховар»/. 2-3 март дар шаҳри Лондон бо ибтикори ҳукуматҳои мамлакатҳои Осиёи Марказӣ, Подшоҳии Муттаҳидаи Британияи Кабир ва Ирланияи Шимолӣ, ҳамчунин Бонки ҷаҳонӣ Анҷумани энергетикӣ, тиҷоратӣ ва сармоягузории Осиёи Марказӣ баргузор гардид. Дар ин хусус ба АМИТ «Ховар» дар Вазорати корҳои хориҷии ҷумҳурӣ хабар доданд.

Дар кори Анҷумани мазкур ҳайати Ҷумҳурии Тоҷикистон бо роҳбарии муовини Сарвазири Тоҷикистон Усмоналӣ Усмонзода иштирок намуд.

Зимни баромад дар иҷлосияҳои ин Анҷумани тиҷоратӣ роҳбари ҳайати Тоҷикистон аз дастовардҳои ҳамкории мамлакат бо Бонки ҷаҳонӣ ёдовар шуда, ҷиҳати тақвияти он дар асоси иқтидору имконияти мамлакат дар соҳаҳои энергетика, тиҷорату иқтисод ва зерсохтор пешниҳодҳои мушаххас баён намуд.

АКС: Вазорати корҳои хориҷии Ҷумҳурии Тоҷикистон