Ҷаласаи якуми коршиносони Созмони умумиҷаҳонии тандурустӣ ба таври маҷозӣ баргузор мешавад
ДУШАНБЕ, 27.03.2023 /АМИТ «Ховар»/. Нимаи дуюми моҳи апрели имсол ҷаласаи якуми коршиносони Созмони умумиҷаҳонии тандурустӣ аз давлатҳои минтақаҳои Аврупо, Миёназамини Шарқӣ ва Африқои Шимолӣ ба таври маҷозӣ баргузор мегардад, ки дар он намояндаи Тоҷикистон низ иштирок мекунад. Дар ин хусус 16-17 март зимни баргузории ҷаласаи сатҳи баланди сеҷонибаи минтақавии Созмони умумиҷаҳонии тандурустӣ оид ба масъалаҳои тандурустӣ ва муҳоҷират, ки дар шаҳри Шарм-уш-Шайхи Ҷумҳурии Арабии Миср баргузор гардид, иттилоъ дода шуд.
Дар ҷараёни ҷаласа давлатҳои аъзои се минтақаи Созмони умумиҷаҳонии тандурустӣ консепсияи тақвияти солимии муҳоҷирон ва бартараф кардани натиҷаҳои имконпазири муҳоҷират нисбат ба тандурустии ҷамъиятиро қабул намуда, уҳдадор шуданд, ки дар ин самт корҳои заруриро ба анҷом расонанд.
Дар доираи ҷаласаи мазкур Вазири тандурустӣ ва ҳифзи иҷтимоии аҳолии Ҷумҳурии Тоҷикистон бо директорони минтақаҳои Аврупо ва Миёназамини Шарқӣ вохўриҳои дуҷониба анҷом дод.
Дар вохўрӣ бо мақсади рушди ҳамкории байниминтақавӣ аз тарафи Вазири тандурустӣ ва ҳифзи иҷтимоии аҳолии Тоҷикистон якчанд пешниҳоди муфид, аз ҷумла вобаста ба баланд бардоштани савияи дониши мутахассисони тиббӣ тавассути иштироки мутақобилаи мутахассисон дар барномаҳои омӯзишии байниминтақавӣ ва ба роҳ мондани саноати дорусозӣ пешкаш гардид.
АКС: Вазорати тандурустӣ ва ҳифзи иҷтимоии аҳолии ҶТ
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
