Ҷанни Инфантино бори дигар ба вазифаи президенти Федератсияи байналмилалии футбол интихоб гардид
ДУШАНБЕ, 17.03.2023 /АМИТ «Ховар»/. Ҷанни Инфантинои швейтсарӣ бори дигар ба ҳайси президенти Федератсияи байналмилалии футбол (ФИФА) интихоб гардид. Интихобот рӯзи панҷшанбе дар Конгресси ФИФА дар пойтахти Руанда — шаҳри Кигалӣ баргузор шуд. Дар ин хусус АМИТ «Ховар» бо истинод ба ТАСС иттилоъ медиҳад.
Инфантино ягона номзад дар интихобот буд. Ӯ бар асоси муқаррароти федератсия бе овоздиҳӣ интихоб гардид.
Ноиби президенти ФИФА раиси Конфедератсияи футболи Осиё Салмон бин Иброҳим Ал Халифа тартиби интихоботи такрориро шарҳ дод. «Президенти иҷрокунандаи Федератсияи байналмилалии футбол Ҷанни Инфантино ягона шахси интихобшуда мебошад, ки номзадии худро пешбарӣ кардааст, дар моддаи 3 ва моддаи 32 баён шудааст, ки конгресс метавонад президентро бидуни овоздиҳӣ интихоб намояд, агар як номзад пешниҳод гардад, пас ӯ бо тасдиқи якдилонаи ҳамаи ҳозирин қабул карда мешавад»,- инро гуфта, ӯ пешниҳод кард, ки номзадии Инфантино дастгирӣ карда шавад ва баъд аз ин суханҳо вакилон барои Инфантинои швейтсариягӣ кафкӯбӣ намуданд.
Азиза ДАДАБОЕВА,
АМИТ «Ховар»
АКС аз манбаъҳои боз
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
