ҲАР БАҲОРЕ АЗ ЛАБИ ХАНДОНИ МОДАР БУДААСТ. Барои тарбиятгирандагони маркази «Чароғи ҳидоят» маҳфили идонаи фарҳангӣ доир карда шуд
ДУШАНБЕ, 03.03.2023 /АМИТ «Ховар»/. Бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба Рӯзи Модар барои тарбиятгирандагони Маркази таълимии «Чароғи ҳидоят» маҳфили идонаи фарҳангӣ доир гардид. Дар ин хусус АМИТ «Ховар» бо истинод ба Кумита хабар медиҳад.
Дар маҳфил намояндаи Ҳукумати Ҷумҳурии Тоҷикистон, вакилони Маҷлиси намояндагони Маҷлиси Олии Ҷумҳурии Тоҷикистон, роҳбарон ва намояндагони вазорату идораҳо, собиқадорони меҳнат, фаъолзанони шаҳру ноҳияҳои ҷумҳурӣ, намояндагони воситаҳои ахбори омма, мудирони шуъба ва бахшҳои кор бо занон ва оилаи Мақомоти иҷроияи ҳокимияти давлатии шаҳру ноҳияҳои Душанбе, кормандон, устодон ва тарбиятгирандагони Муассисаи давлатии Маркази таълимии «Чароғи ҳидоят» ва ҳунармандони шинохтаи тоҷик иштирок намуданд.
Тазаккур дода шуд, ки бо шарофати дастгириву ғамхориҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон имрӯз мақому мартабаи занону модарони тоҷик дар ҷомеа баланд гардидааст. Пешвои миллат зимни яке аз суханрониҳояшон бахшида ба Рӯзи Модар иброз доштанд, ки «Модар гаронбаҳотарин дороии миллат аст ва ба андозае арзиш дорад, ки метавон гуфт, ҷомеа замоне ба авҷ мерасад, ки битавонад аз кор ва кирдорҳои модар пуштибонӣ кунад».
Ҳамзамон дар маҳфили идона аз занону модарон даъват ба амал оварда шуд, ки дар раванди иҷрои рисолати офарандагию тарбиятгарии худ масъулияти нигоҳ доштану ҳифз кардани арзишҳои миллӣ, густариши фарҳанг ва анъанаҳои неки ниёгонро нигоҳ доранд, дар татбиқи сиёсати хирадмандонаю сулҳпарваронаи Пешвои миллат, дар рушду нумӯи Тоҷикистони соҳибистиқлол ва тарбияи фарзандони баору номуси Ватан минбаъд низ саҳм гузоранд.
Гуфта шуд, ки Модар сарчашмаи хушкнашавандаи ҳаёти музаффар буда, зиндагӣ аз домони поки ӯ оғоз меёбад.
Дар анҷоми маҳфил роҳбарияти Кумитаи кор бо занон ва оилаи назди Ҳукумати Ҷумҳурии Тоҷикистон ва рӯзномаи «Народная газета» ба тарбиятгирандагони Муассисаи давлатии Маркази таълимии «Чароғи ҳидоят» туҳфаҳо супориданд.
Барномаи рангини фарҳангии аҳли санъат ба барнома шаҳомати тоза зам намуд.
София ШОИК,
АМИТ «Ховар»
АКС: Кумитаи кор бо занон ва оила
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
