БА ИФТИХОРИ РӮЗИ МОДАР. Дар Шаҳринав ба дидани занони собиқадори меҳнат рафтанд
ШАҲРИНАВ, 01.03.2023. /АМИТ «Ховар»/. Бахшида ба Рӯзи Модар роҳбарияти ноҳияи Шаҳринав ба хонадони занони собиқадори Ҷамоати деҳоти Акрам Ҳасанов — Мусаллам Фахриддинова, Саида Холмирзоева ва Иқболой Элмуродова рафта, ба онҳо туҳфаҳои хотиравӣ тақдим намуданд. Дар ин бора ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Зимни суҳбат иброз гардид, ки собиқадорони меҳнат ва занони фаъол солиёни зиёд баҳри пешрафти ноҳия ва рушди соҳаҳои маорифу тандурустӣ ва таълиму тарбияи насли ҷавон хизмати шоиста намудаанд. Мояи ифтихор аст, ки занону модарон дар сиёсати давлатдории мо пайваста мавриди таваҷҷуҳи Президенти мамлакат муҳтарам Эмомалӣ Раҳмон қарор доранд.
Занони собиқадор аз қадрдонии роҳбарияти ноҳия шод гардида, шукронаи тинҷиву оромӣ ва ваҳдату ҳамдилӣ намуданд ва дар ҳаққи Пешвои миллат ва рушди босуботи Ҷумҳурии Тоҷикистон дуои нек карданд.
Дар назар аст, ки бахшида ба Рӯзи Модар масъулини Мақомоти иҷроияи ҳокимияти давлатии ноҳияи Шаҳринав ба дидорбинии занони собиқадори меҳнати дигар ҷамоати шаҳраку деҳот рафта, аз аҳволу зиндагиашон пурсон шаванд.
АКС: Мақомоти иҷроияи ҳокимияти давлатии ноҳияи Шаҳринав
Имрӯз дар Тоҷикистон ҳаво то 40 дараҷа гарм мешавад
Имрӯз дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
