Бар асари фаромадани ярч дар қисмати марказии Эквадор 16 нафар ба ҳалокат расид
ДУШАНБЕ, 28.03.2023 /АМИТ «Ховар»/. Дар натиҷаи фаромадани ярчи азим, ки шаби якшанбе дар шаҳри Алауси вилояти Чимборасо дар қисмати марказии Эквадор рух дод, на кам аз 16 нафар ҳалок ва 16 нафари дигар захмӣ шуд. Тавре АМИТ «Ховар» бо истинод ба «Синхуа» хабар медиҳад, дар ин хусус рӯзи душанбе Котиботи миллии идоракунии хавфҳо иттилоъ додааст.
Мувофиқи иттилои котибот, то ҳол 7 нафар бедарак ҳисобида шуда, хонаҳои зиёд хароб гаштаанд, 65 фоизи шоҳроҳи асосӣ ҳаракатнопазир шуда, 25 дарсади чароғҳои кӯчаҳо аз кор мондааст.
Тибқи фармони президенти Эквадор, Котиботи миллии идоракунии хавфҳо талошҳои кумакрасониро бо Қувваҳои Мусаллаҳи кишвар, Вазорати тандурустии мамлакат, инчунин полис ва хадамоти оташнишонии маҳаллӣ ҳамоҳанг мекунад.
Азиза ИКРОМ,
АМИТ «Ховар»
АКС: «Синхуа»
Имрӯз дар Тоҷикистон ҳавои камабри бебориш дар назар аст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
